Singapore, Yishun vengsung Public Area ah numei khatleh pasal khat omkhawm
Nungsungteng Singapore gamsung ah numei hitaleh pasal hitaleh guaktang in khuasung avaktawh, Bus atuangtawh, alamlam tawh lamdang kisa mahmah hi. Tuasangin alamdangzaw khat tuzingsang in Singapore, Yishun vengsung ah piangleuleu hi.
Singapore, Yishun Block 666 sung ah tuni September 17 zingsanglam 4am hunpawl in numei khatleh pasal khat aguaktang in mipi muhtheihding Public Area ah omkhawm uh cimawk hi.
Mawtawhawl, Driver khatin tuavengsung ah zingsang in mi apuakin apailaitak atuahkhak ahihi. Tua Driver pa’nzong mipi muhtheih nading munlawmlawm ah hihbang in agamtat aom amuh ciangin lamdangsa a, Video zaihin Stomp te kiangah puakpah hi.
Tua Video sungah numei hitaleh apasal hitaleh apuanteng uh avekin suahkhia uh a, omkhawm uh cimawk hi. Tua Driver pa’n Video azaihsimlam zong theilo uh a, tuazawh Minute 2 khitkhawng ciangin apuanteng uh silhkik in tuamun panin paikhia uh cihi.
Driver pa upmawhna ah anih un kum 20 gualpawl hileh kilawm ci a, hihbang in Public Area ah mipi muhtheihding in agamta uhpen kilawm sahetlo ahih manin, hihbangin agamta aomnawnloh nadingin Video zaihin Stomp te kiangah apuak ahihi. Zingsangtung 4am hunpawl ahih hangin meitang tawh kitelmuh mahmah a, kilawm hetlo cihi.
Related: Midang pasal tawh alumkhawm numeikhat aguaktang in khuasung ah kivakpih ~ ZD
Ahi zongin tua Video pen Stomp te’n mipi muhliangding in khahkhiatding kilawm salo uh a, Photo pawlkhatbek khahkhia uhhi. Ih gamtatna khempeuh Pasian bekthamlo, khuasung mipi lakah khatpeuh in hongmusim khinkhian theihi. Sawltak #zomidaily
Comment piaknop aomleh...