Las Vegas mithatpa lawmngaihnu’n bangmah theihpihkeng ci
October 4/2017 :: Las Vegas ah mihing 59 mulkimlo tak a, a thatpa Stephen Paddock i alawmngaih nu, Marilou Danley pen Philippines pan USA natungkikta in,US palik te’n thu adot uhteh ka lawmngaih pa’n asepding hihthu bangmah honggen kei naci hi.
Stephen pen gamtat hoih mahmah mi hi’n,midangte deihdan a kinsak mi ahi hi.Hidan a mi 59 a thahding vai banghmah honggen ngei kei,bangmah katheihpih omvetkei ci’n Marilou Danley in pulakkhia hi.
Ka it mahmah ahi hi,damsung nuntaak pihding in ka ngaihsut mi ahi hi,tuadan nahoihlo asepteh lamdang bang saliang ing naci hi.
Philippines a,ka sangngamte lakah vahawh nadingin vanleng ticket hongleisak, Philippines ka om sungin $100,000 hongkhak lai,hih sumte pen inn lei nading a hongkhak ahi hi.
Sum hizah hongkhak teh inn lei ding ka nagel a,ka lung dam mahmah hi,ahi zongh lamkhat pan ka ngaihsut teh ka lung nuamvetkei,khenkik hongsawm man a,sum hizah hongkhak ahi tam maw ci’n Marilou Danley in na genkhia hi.
Related: Las Vegas thaukikapna misi 59 phakhin, aliam bekbekzong mi 527 pha
Mithatpa Stephen vai pen a innkuanpih te’n zongh bangmah theihpihlo,a lawmngaih nu Danley in theipen inteh a cih unzongh bangmah theihpih keng cita….Mihing hizah athahna vai kankhiat zawhding hinawn lo. BBC/ Zomi Post Media
Comment piaknop aomleh...