Minam aom leh aomlo ihtheihna ding in, ihkan masak dingthu om hi.Tuate sungah 1. Minkiphuakzia, 2. Pau leh ham kibatzia, 3. Ngeina tat leh heekzia, 4. Paunak leh lakam, 5. Minam khat in amakhutma tawh abawl silh lehteen, 6. Minam khat in avanzat tumging namte, 7. Tanglaihun ah biakna nam adawldawlte, 8. Laizat te cihbang in anamtuamtuam aom te ahihi.
1. Min kiphuakzia. Zomi akici minam eite khangkizom kizui in min kiphuak te hihang a, eimintap ding ei deihna leh akhiatna nei min kitap te ihhihi. Minam dang pawl khat te dan a, ut peuhpeuh kiphuak te ih hi kei hi.Eimin lopi kisap na asang lo te ih hihi. Minkhempeuh in ama min lopi tawh kisapna pen , amittawh en in , Hoi, Hohkeh , Yes, apia ngeikei hi.
2. Pau Leh haam kibat zia te ah; Zomi akici minam eite in paukithei khat leh kitel kamphen kullo aomtak pi mit a muh theih ding, Bila zak theih ding, khut alawn theihdingzah dong in ami kiom hi.Omlo aci ten amapumpi mahmah tawh aphual ah ettheih veltheih kampau te abil tawh ngaitheih kan theih ding in om ahihi.
3. Ngeina tat leh heek zia, te ah U leh nau kizopzia Sihna nopna ah zuhawm sahawm zia akibang dim diam, Mo kileina thuvai hawm an ah akibang sinsen thu om ahihi.Loma suan gitung giphei te dongah tat leh heek zia anei te ih hihi. Thuneihna masuan a, mipi te lo peuh alaksak ziauziau minam te ih hi kei hi.
4. Paunak leh lakam; Zomi akici minam ei ten Paunak thu gil diktak anei te ih hihi. Lazong Latung, Laphei Zola cihte a aw te minamdang te atawh akibang lo anei minam te ih hihi.
5. Silh leh ten nampuam; Zomi akici minam ei ten tanglaipekpan kipan in Puandum puan laisan , Puan ngial, Saiha dial , Tangh Ciing puanza, Tualpuan, Mawngkhak, Niik Siing cih te pan kipan anei te hi hang a, Minam dang te a tawh akibang lo kingan sinsenhi. Khut a, lawn thei mit amuh theih lah theih ding in Leitungbup theih ding in Haleluijah lapi Mi3000 in Tedim khua pi ah akisak hunin kizang zo ahihi.Zopau in Lakisa mit amuh theih bil azak theih ding khuta lawn theih ding in omhi.
6. Tumging namte; Zomi akici minam eite in tang laihun in eimalate ihsak teh Khuang,(miate tawh kibang apheizawl ging theih savun tawh kibawl) Zam, Daak tal, Daak pi awthum Bukhat, Phit ( guatawh kibawl agingthei atawn bing aluvang pan mutsuk) Gua semhte , Kibik or Sakhuang saiging anei te ihhi. Hih te Ngeina van kem cingna ah mit amuhtheih khut a lawn theih ding om hi.
7. Tanglaihun in biakna: Zomi kici minam eite in tanglaihun in ihpu ih pa te Pasian atheiman in Dawi biakna kician mahmah anei ahihi. Tuadawibiakna te minamdang te biakna tetawh kibanglo biakpiak zia honpi khatmah om hi. Adiak in Dawinam 68 biak thu gikip aneite ih hihi.Dawi 68 minte hundang hong suak sak lai ning.
8. Laizat te : Zomi kici minam eite in tanglai hun in lai nei lohi. Thuciam tehna ding Paunak late ahihi. Pilna khuamuhna aom deuh teh Khaubokkhitna , Singkilatna, Khua nawlah suangtum agol aneu phutna, Suang peek tung milim, salim suahna, Khiawh taubulh suihna, Sing milim bawl in limtuamtuam suaihna te anei ih hi. Tuate Zogam ah mit muhtheih, khut a,lawntheih ding in om ahihi.
Tua ahih man in minam khat in atangthu kician taknei gige napi , Kan dikna kician mahmah omlopipi in “Nami nam omkei “cihna in,thugil diktaktak kan telnailopipi a mawk pauna ahihi.ZNC ading leh adang party tuamtuam te Register pia ding Vantung pan Pasian hong kumsuk ding hi peuh mah lo hi. Zomi om leh om lo ih theihnop leh ZNC Register pia in kuang na luisakleh mit a,mutheih khut alawn theih ding ZOMI Nam OM/ OMLO kithei pan ding ahihi.
Tua lo pipi Pu Cin Sian Thang amah khatbek tungah Zomi nam omlo hi cihtheihna pen thu lamtawn hinailo ahihi. ..Minam min ZOMI kiciantak aom man in Zominam sungmah pan in ZNC party hong piang khia ahihi.cih Khuaknei khempeuh in theih ding ahihi.
Hau Thang
Comment piaknop aomleh...