Myanmar, Taunggyi Balloon pawipi ciangin Security khauhsak mahmahding
Myanmar, Shan State ii khuapi ahi Taunggyi khuapi sungah kumsim in Tazaungdaing Balloon Festival kibawlden a, Taunggyi Tazaungdaing pen minthang phadiak hi. Gamdangmi Tourists zong hih Tazaungdaing Balloon Festival a ending in kumsim in tampipi paiden uh a, Kawlgam sungaom khuatuamtuam paninzong pawisim mipi tammahmah den hi.
Tukum Tazaungdaing Balloon Festival pen October 26 panin November 04 nidong akibawlding hita hi. Shan State Police te’n tukumzong abeisa kumte mahbang in hih pawipi hunsungteng Security khauhsak mahmahding ci’n tangkokhia uhhi.
Tazaungdaing Balloon Festival hunciangin losan Fireworks namtuamtuam kilon ziahziah hi. Adiakdiak in vandawn ah Hot Air Ballons atuamtuam khahto uh a, vandawn ah puakkhamsak cihbang in a etlawm theitheiding kidem uhhi.
Hihbang in Tazaungdaing Balloon Festival akibawl ciangin tuahsiatna zong omthei zeuhzeuh hi. Adiakdiak in 2014 kum in Hot Air Ballons te alentohna in puakkham in, mi 4 bangin sihlawhngei uhhi.
Tukum pen hih Tazaungdaing Balloon Festival akibawl nading tualpi ahi Wai Yar Kone Thayar sungteng ah CCTV zong thuahding uh a, Security Personnel zong akigawm in mi 800 dekphialbang kicingsakding cih Eleven News pan kiza hi. Adiakdiak in hih pawipi sungah gitloh gamtatna Crime aomloh nading leh Accident aomloh nadingin ki hanciam mahmah hi ci’n thunei te’n genkhia uhhi.
Video: Authorities promise better security at Taunggyi balloon festival
Taunggyi district Police Col. Ye Myint in agenkhiatna ah Police Officers leh Private akigawm in mi 766 te Duty kidingsak dending hi ci’n genkhia hi. Tuaban ah October 16 ni akipan tua pawipi akibawlnading munteng pen khen 37 Zones kisuahding a, CCTV bekbek akigawm in 50 kithuahding hi. Tuaban ah ahunhun in tuasungteng Security te’n Checking bawldending uhhi ci’n genkhia hi.
Related: Myanmar, Shan State, Laukkai khuasung kikapna hangin mi 30 val si
Tukum pen abeisa kumte sangin Police Officers leh Soldiers “galkap” ami phazah mahmahzong aki behlaptoh banah Technology lamsang tawhzong hanciamtak in Security kibawlding hi ci’n palik thuneipa’n genkhia hi. Sawltak #zomidaily
Comment piaknop aomleh...