Sumzondan atuamtuam: Hotpot ansai ah sungten guaktawh Waitress semsak

Sumzondan atuamtuam: Hotpot ansai ah sungten guaktawh Waitress semsak

Taiwan gamsung aom “Hotpot Restaurant” ansai khatah March khasung in ki hongthak hi. Tua ansai ahoncilni in anneding Customer te lunglut nading leh anzuakzong akhottuam nadingin Model numei 5 kawmin, Waitress semsak uhhi.

Tua Model Waitress tepen “Bikini-clad” ci’n nawituam leh bombi sungten guakbektawh Customer te Service piasak kawikawi uhhi.

Hih Hotpot Restaurant pen Taipei, Shongshan District sunga aom hi a, ansai minpen “Fresh Feast Restaurant” kici hi.

Taiwan gamsung ah Hotpot Restaurant Business pen tammahmah, kidem ngeingai in muntuamtuam ah kihong kawikawi hi. Hotpot ansai aomsa zong tampi omkhin ahih manin, athak ahongthak te’n Customer angahding pen hamsa mahmah hi.

Ahi zongin hih “Fresh Feast Restaurant” kici ansai neipa pen haihetlo in, mipi te lunglut theihtheihding in vaihawmthei citciat hi. Numei te sungtenbek tawh Waitress asepsak ciangin mi tampi in lunglut uh a, Customer zong tamtuam mahmah.

Bekthamlo, Customer te’n tua numei te Photo azaihtawh, aki zaihkhawm tawh, tua Photo tengpen Social Media tungah ki khahkhiatsak sawnsawn ahih manin, amawkna in aki tangkosak “Free Advertisement” suakpah sawnsawn hi.

Hotpot ansai neipa zong lungkim mahmah a, alamet zahsangin Social Media tungah tua numei te photo ki thehzak in, Viral gawp ahih manin lungkim mahmah hi.

Video: Taipei Restaurant Uses Bikini-Clad Waitresses to attract Customers

Pawlkhat in hihbangdan ngaihsutna Idea pen hoihmahmah hi ci’n phatmahmah uhhi. Ahi zongin pawlkhat leuleu in Model numei te hihbangin azatpen hoihlo hi ci’n aphunphun zong tampi omngeingai hi. Ahoih in amu tawh, ahoihlo in amutawh kiciak ngeingai a, ansai neipa’n ahihleh ka lunggulhpen tuabangin aki ciakngeingai ding alunggulh kahihi cihsanlel hi.

Tua Idea hangin hih Hotpot Restaurant pen Taiwan gamsung bekthamlo, leitungbup zelgawp in Social Media ah ki thehzak hi.

More: Video: Taiwan Hot Pot Restaurant khatah Gas bung puakkham in, mi 7 liam

Hih Fresh Feast Restaurant ansai neipa ii Idea pen hoihsalua in, China, Hainan Province sungahzong mihau khatin BBQ Restaurant ansaikhat hongpah kici hi. Tua BBQ Restaurant pen Haikou City sungah akihong hi a, nasemding numei khempeuh avekin Bikini sungteng vivebek teengsak cihi. Tawlkhatsung khawngtuam mahmah a, ahi zongin kumpi thuneite’n ngeina tawh kilehbulh hi ci’n khakcipsak uhhi. Sawltak #zomidaily