Traffic Light meisan akan Motorcycle leh mawtaw khat akitaih laitak Video ki zaihkha
Singapore gamsung aom Still Road, Koon Seng Road leh Lorong J Telok Kurau lampite akituahna lamkabom ah Motorcycle hawlkhat in Traffic Light meisan akansawm laitak mawtaw khattawh kiphukha uhhi.
Abeisa Friday ni in thupiang hi a, hih Motorcyclist leh mawtaw aki phutkhak laitak amailam ah akhawl mawtaw khasungpan Video Record kibawlkha in, akitaih laitak kitelmuh mahmah hi.
Motorcycle hawlpa in mawtaw apiallaitak aphuphei hi a, mawtaw tungah kilawnvou liangin anuai ah akiatsuk ciangin apumpi gamtang zolai hi. Tuapa pen kum 27 aphakhin khat kici a, ahi zongin aguh atang kitangawp in aluzong liamgawp cihi.
Zingsang 6:30am hunpawl in akitaihkha hi a, akitaih khitciangin Ambulance kisapsak in zato ah kipuakpah hi. Changi General Hospital ah kipuak in, zatui kibawl himahleh tuanimah in zato panin sisuak hi ci’n Singapore Civil Defence Force (SCDF) te’n genkhia uh cih Straits Times pan kizasawn hi.
Video: Motorcyclist killed after he ran red light and collided with car at Still Road junction
Singapore gamsung ah lampi zatzia Safety aomtheih nadingin ahanciam ahi Roads.sg te’n Motorcyclist leh mawtaw aki phutkhak laitak Video pen Facebook ah suahkhia uh a, mulkimhuai mahmah hi.
Mawtaw hawlpa in taklam ah pialin apai laitak alanglam panin Traffic Light san himahleh Motorcyclist pa’n kanphei teitei in, akiphukha kici hi.
Bangzahta vaikin, vaithupi ihnei zongin lamkabom ah akikoih Traffic Light te a en hunmah ngaktate dingpen thupi mahmah cih phawk huai tawntung hi. Sawltak #zomidaily
Comment piaknop aomleh...