Infinity in a jar (Leibel sung a na manpha)
Zingsang khat ka siapa in leibel khat hong tawi in ka khan sung ah ong lut hi. “Thukhat ong dong nuam ingh, na’ a neu mah mah sung khat ah, amah tawh ki tuak lo na’ tampi/ thupi/ lianpi ki guang thei in na um hiam? Ongci. Keizong” Piang thei ken teh”
Tua ahih leh,”Bangmah a hi lo khat in a thupi mahmah na’ khat a tuamcip zo dia? Ci leu leu.”Tuamcip zo lo ding” ken ci.
Siapa in, a leibel sin hong in, “Tuamcip zo ding hi.A sin a ki honnak leh hi thei hi. A ki sitcip peuhmah leh a mah sang a thupi leh a lian zaw ki thun thei lo, ki guang thei lo, ki kemcip thei lo hi. A ki honnak leh, huntam a bei zongin, guntui zong kem zo in teh. A ki dawh a, a ki hon nak leh, guahtui zong huih zong a vek in ki guang thei in teh”.
“Na cih nopna bulpi bang a sia?” ‘”Tua a hih leh na theisa leh na theih nai loh koi lian sa zaw na?” “Ka thei nai loh tam zaw ngel in teh?”Tua ahih leh na theih loh thu te kan le teh pilvai (wise) lo dia? ” Um mah ingh” “Tua a hih leh nang theih bat loh thu te na theih na ding bang cih ding?
“Aw, lei belsin in hon bang hih kul ve maw”.”Hi lua, na theihloh thu te na ki hon ciang bek a, alian zaw nate, na theih loh te, ong ki guang thei pan ding. I tel ding khat om, thuman thutak i cih pen, i thu theihna sang in lian zaw den hi.I lungsim leh i lungtang te pen leibel te tawh ki bang a,thuman thutak i cih pen mong nei lohi.
Tawntung i cih pen, a ki teh thei lo hi a guntui luang bang in a luang den hi”.” A hi zong in, leibel pen a sin a ki hon nak leh ciangtan om nawn lo a a ki ngah thei hi. Guntui khempeuh a kem zo ding hi ta hi. Tu a ki pan, na lungsim lungtang na hon leh Ciangtan a neilo tawntung Pasian na sung ah ong ki guang ding hi pah hi” Isiah55:1-9; Jeremiah 33:3; 2Cor4:7 Cant : Day1. Dim Lun Zam
Comment piaknop aomleh...