July 27, 2016: Russia gam-a mihausa Yuri Miler in a beisa kum 10 a kipanin $ 100 million bei liangin i tenna leitung lo mundangah nuntakna nei om ding hi cih kanna ‘Breakthrough Listen’ kici na phuankhia hi.
Breakthrough Listen in zanhal in scientist minthang tuamtuamte kamkupna a neihna uh-ah 2010 a kipanin Aliens (UFO sunga tuang koi a teng uh hiam cih a kithei lo nuntakna nei mihing lim leh mel a bang piante) om takpi hiam cih kanna a nei British Theoretical Physicist, Professor Stephen Hawking in aliens i cihte pen a om takpi uh hi a, leitung khangthu i et kik ciangin mihingte pen ngongtatna lungsim paai in, nuntakna nei tuamtuamte bawlsia in, lom thah in, technology hoih nono tawh mihing nangawn that hi cih kimu thei hi.
Tua ahih manin mihingte i gamtatna i kidop kei a hih aliens i cihte hehna dingin i va hih/nawk khak leh mihing ten miksi bu i suksiat bangin aliens ten mihingte leh i tenna leitung suksiat theihna dingin pilna nei uh hi ci-in gen hi.
Professor Hawking pen motor neurone kici natna a neih manin zeng (paralyzed) a, wheelchair zang a,computer robot in a pau theihna dingin huh hi. Leitung-a khuak manlang IQ hoih mahmah pawl leh math siam pen pawlin kiciamteh hi. Hawking in universe (space, aksi leh nuntakna om theihna mun teng) ah aksi lom (galaxies) billion 100 om a, galaxy khat tekah aksi million tampi om ahih manin i tenna leitung bekah nuntakna om thei hi kici ngam lo a, mun dangah zong nuntakna om thei dingin uphuai hi ci hi.
Sunday Times in a genna ah Hawking in ka math siamna khuak tawh ka ngaihtuah ciangin aliens i cihte pen ngaisutna ciim mahmah nei uh a, bangci banga gamtang uh hi ding hiam cih tel zo lo hi’ng ci hi ci-in suaksak hi.
Aliens i cihte lim leh mel na muhnop leh hih a nuai-a linkte na mek in
http://alien-ufo-research.com/alien_pictures_2/
http://www.ufocasebook.com/bestalienpictures.html
-Your News Wire
THANG KHAN LIAN
Zomi Post
Comment piaknop aomleh...