Malaysia, Sungai Buloh vengsung ah Bus leh Trailer kiphukha, mi 6 liam

Malaysia, Sungai Buloh vengsung ah Bus leh Trailer kiphukha, mi 6 liam

Malaysia, Sungai Buloh vengsung ah tuni Saturday ni in Express Bus khatleh Trailer mawtawpi khat kinawkkha in mi 6 liam cih NST pan kiza hi. Sungai Buloh vengsung PLUS Highway lamzikpitung aom KM27.4 munsan ah akiphukha hi a, aliam tepen Bus Driver leh asungah atuang Passenger mi 5 te ahihi.

Hihvai tawh kisai in kumpi thunei ahi City Traffic Enforcement and Investigation Department chief Assistant Commissioner Zulkefly Yahya in agenkhiatna ah zingsanglam 2.55am hunpawl in atuahsia cihi.

Highway lamzikpi tungah Bus Driver pa’n Trailer mawtawpi ii aveilam aom lamzikpi tungah nawkkha masa cihi. Tua Express Bus pen Penang panin Kuala Lumpur khuapisung zuanin hattak in atailaitak in aki phukha ahihi.

Tua Bus Driver pa ii aminpen Abdullah Bakar kici a, kum 53 aphakhin khat ahihi. Tuahsiatna hangin aliang liamsak ahih manin amanlang in Sungai Buloh Hospital ah zatui Treatment kibawlding in kipuakpah hi.

Tua Express Bus sungah Passenger bekbek akigawm in mi 18 atuangkhawm uh hi a, tualak ah mi 5 liam uhhi. Tua aliam Passenger tezong Sungai Buloh Hospital leh Kuala Lumpur Hospital leh Selayang Hospital te ah zatui Treatment kibawlding in kipuak uhhi.

More: India gamsung ah School Bus khat kendang ah kiasuk in mi 30 si

Passenger aliamte pen Nur Aneesa Syazmira Sayuti, 18; Mohamad Fahmi Hakim Azhar, 22; Robiatun Adawiyaj Safri, 26; Nurshamsabiha Jam, 61; Tan Sih Yong, 48 kici hi.

Hih tuahsiatna pen Driver te ii polhteh gamtatna kumpi thukhun “Section 43(1) of the Road Transport Act 1987 for reckless driving” tawh thu kibawlding cih kiza hi. Sawltak #zoimdaily