Malaysia LRT meileng sikzawn tungah nupi naupaai khat kiasuk, gawilum khalodeuh
Malaysia, Kuala Lumpur khuapisung kikawmna in akizang LRT meileng sikzawn tungah nupi naupaai khat kiasuk cih theStar pan kiza hi. Thursday zingsanglam in Damai LRT Station aom meileng sikzawn tungah akiasuk ahihi.
Hihvai tawh kisai in thunei ahi Rapid Rail Sdn Bhd chief executive officer Khairani Mohamed in agenkhiatna ah tua nupi naupaai pen kum 26 aphakhin khat cihi.
Tua nupi pen zingsang 7:48am hunpawl in meileng ngakin Damai LRT Station ah aom ahihi. Tualaitak in alung amvat in tuksuk a, meileng sikzawn tungah kiasuk citciat hi. Tualian laitak in meileng zong Platform zuanin atungphei dektak ahihi.
Ahi zongin meileng lampi tungah akithuah Platform Intrusion Emergency Stop (PIES) System hangin meilengpen ahunlap in khawlbilbel a, nupinu pen taihkhalo hi. Platform Intrusion Emergency Stop (PIES) System pen Kelana Jaya Line tung aom LRT Station Platform khempeuh ah akithuah hi a, tua in nupinu ii anuntakna honkhiathei bilbel hi.
Tua PIES System kici in meileng lampi tungah 7kg sangin agikzaw akia khatpeuh aomleh LRT System in azat Electricity khempeuh sumit saklian cihi. Tuahang tawh meileng pen khawlcippah a, nupi naupaai pen agawi khalo bilbel ahihi.
Tuabang buaina aom ciangin Prasarana Auxiliary Police Personnel te leh Station Operation Officer te’n meileng sungah atuang passenger khempeuh amanlang in ki hemkhiasakpah uhhi.
Asawtlo in Fire and Rescue Department leh Medics Team te ahonkhia dingin tungpah uh a, minute 7 sungkhawng in meileng sikzawn tungah akiasuk nupinu pen ki honkhiathei hi.
Video: A pregnant woman who fell onto the tracks at the Damai station on Thursday morning was saved thanks to the Platform Intrusion Emergency Stop (PIES) system installed on the platform of LRT stations on the Kelana Jaya line
Tua nupinu pen Kuala Lumpur Hospital ah kipuaksuak a, akisambang in Medical Treatment kibawl hi ci’n RapidKL officer khatin genkhia hi.
Hih buaina apian ciangin meileng pen aki khakcippah hi a, tuazawh minute 25 khitciang in Kelana Jaya LRT Line pen ki taisak kikpan hi.
PIES System pen leisung Underground Stations te lobuang Kelana Jaya Line tung aom Station Platform khempeuh ah akithuah ahihi.
More: Japan te’n Myanmar gamsung ah zatding meilengthak bawlsakding
Ampang Line leh Sri Petaling Line aom meileng Station te ahzong tua PIES System pen aki thuahsan laitak hi a, tukum beikuan ciangin mansiang theiding cih kiza hi. Sawltak #zomidaily
Comment piaknop aomleh...