Bui a phakkuan atawp ~ Job Cinpi

Bui a phakkuan atawp ~ Job Cinpi

Na hanciamna sa, na gim na tawlna sate hangin sem kisa-in bawl na kisak khak ding hoih lo hi. Mihing nuntakna pen a mainawt den ahi hi. Na gamtat luhek le na lungsim ngaihsutna na nungkiksak thei zongin na hun na nite nung kik tuan lo ding hi.

Tua ahih manin na sep na bawlna khempeuh ah, bang zah sem khin, bang zah bawl khin, bang zah piakhia khin, bang zah tawh mi huh khin, bang ciang tung khin ta cihte sangin a banzom bang om lai cih hong thupi zaw kha ding hi.

Lim sunga mipa tawh a kibang mi tampi om khin uh hi. maban tun dektak, a tup a sawmna tung dek tak, a lunggulhna tangtung dektak napi a sep a bawlsa, a hanciamna sa bek a ngeihsut manin tam hanciam lua, tam sem lua kisak a nei mi tampi om uh hi.

A sep lai ding uh sangin a sep sa uh tam zaw ahih manin maban tun dektakta, gualzo dektak ta cih lam a phawk lo, ken bang sem khin, bang zah bawl khin, cih lam bek a lungngai mite lunggim kisa ding uh hi.

Tua ahih manin na sep na bawlna khempeuh ah, Pasian’ ading ahi a, mihingte ading ahi zongin ka sep ka bawlsa tam ta hi, cih lungsim tuni mahmah in paikhia ta in, cih kong theisak nuam hi. A sep a bawlsate a en kik kikte pen a kisatheite ahi uh hi. Tua banga a kisatheite a gualzo a matun om lo uh hi. Job Cinpi (Zomi laisim nuamte)