South Korea gamsung aom zato khat meikang in mi 41 si, 70 liam

South Korea gamsung aom zato khat meikang in mi 41 si, 70 liam

South Korea gamsung South Gyeongsang Province huamsung aom zato khat meikang in atawmpen mi 41 peuhmah sikhinding hi ci’n Korea Herald te’n genkhia uhhi. Miryang khuasung aom Sejong Hospital kici zatokhat akang ahihi. Asi mi 41 banah aliam bekbekzong mi 70 valbang phading hi ci’n Yonhap News Agency te’nzong genkhia uhhi. Aliam te lakahzong mi 8 pen nakgim phadiak mahmah in, Critical Condition in kikem, kikhoi cihzong kiza hi.

Kumpi thunei te genna ah hih meikat kipatpen Friday zingsanglam 7:30am hunpawl ci uhhi.

Ageinai panin amukha Eyewitness pawlkhat te genna ah meikat akipatna pen Emergency Room panin meikuang akipan hi a, zingsanglam 7:30am hunpawl in meikuang akipan cihi.

Tuakhit ciangin meikuang pen SejongHospital ii mundangteng ahzong manlangtak in kilawhpah ziahziah hi.

Zingsanglam 10:25am hunpawl in mi 41 peuhmah sikhin kici a, adangzong mi tampi liamna tuamtuam tawh zatui kibawlin om uhhi.

Tua meikat akipat laitak in zato sungah cina zatolum bekbek akigawm in mi 200 valbang aom laitak ahihi.

Hih meikatna Hospital sung aom cina khempeuh leh agei ah akizom in aom ahi Nursing Home panin akikem te avekin ki hemkhia hi. Ahi zongin asi Victims pawlkhatpen Hospital leh Nursing Home pan ahihi. Pawlkhatte meikat ciangin ki tuahkhia in, aki hepkhiatna panin asizong om uhhi ci’n Miryang city’s fire station panin makaipi Choi Man-woo in genkhia hi.

Video: At least 41 dead in South Korea hospital blaze: Firefighters

South Korean Prime Minister Lee Nak-yeon inzong hihvai tawh kisai in Emergency Order khat Government Agencies tuamtuam te tungah piakhiapah hi. Ministry of Interior and Safety, Fire and Police Agencies te tungah amanlang leh apiangthei bangbang in hih zato meikatna ah huhdingleh panpihding thupiakhia hi.

Minister of Interior and Safety Kim Boo-kyum zong hih zato meikatvai azak ciangin Miryang khuasung ah Helicopter tawh lengpheipah a, zingsanglam 9am hunpawl in Emergency Response Operations te ii nasepzia etpihna nei cihi.

South Korean Fire Department te’n zingsanglam 9:30am hunpawl in meikuangpen phelhzo, Under Control khinhi ci’n genkhia uhhi.

More: South Korea ah kimawlna Fitness Center innpikhat meikang, mi 29 si

Miryang City pen South Korea gam ii Capital khuapi ahi Seoul City panin leitawlam ah 270km bang agamlatna aom khuakhat ahihi.

Nungdiak abeisa khakhat hunlaipawl inzong South Korea, Jecheon City sung aom Fitness Club khatah meikanggawp in, mi 29 takin sihlawh uhhi. Sawltak #zomidaily