Indonesia ah papi khatin azi midangtawh muangmawh in akhe tansak
Indonesia gamsung ah pasal pipa khatin azi pen midangtawh muangmawh ahih manin temta golpi khattawh azi’ khe tansak cimawk hi. Tuabang in azikhe atansak laitak in agei ah atate nih om cisawnsawn hi.
Hih thupiangpen Tuesday (September 05) ni in Indonesia, Badung khuasung ah thupiang ahihi. Tua papipa minpen Kadek Adi Waisaka Putra kici a, azi minpen Putu Careen kici hi. Azi pen midangtawh kithuah, lumkhawm ci’n ngawhin kitawng uhhi.
Tuakhit ciangin apasal in temtapi khattawh atate muhna ah azi ii akhe sasem bangin semsak, tansak cimawk hi. Ahi zongin tuabang in temta tawh asatkhitdeuh ciangin kisikkik mahmah a, amau omna tawh akinaipen Clinic khatah aliamma akibawlding in azi pen mawtaw tawh puakpah cihi.
Azi pen Clinic ah zatui kibawlding, Treatment kibawlding in apuakkhitzawh asawtlo in amahpen palik te’n manpah uhhi. Hih agamtatna hangin kum 10 bang thong kiatheiding hi ci’n Legal Aid Advisor khatin Tribune Bali te tungah genkhia hi.
Azi ii akhe te alangnih in limliam mahmah a, ataklam khepen a ngaltak panin ki tankhiasiang dektak cihi. Aveilam zong limliamlua ahih manin, tankhiatvet kulding cimawk hi.
Hih akhe alangnih in aliamgawp azipen hehpihhuai kisa mahmah a, GoFundMe Campaign panin Online huhna ki donsak hi.
GoFundMe Campaign abawlsak alawmnu in agenkhiatna ah aliamma pen cikziat huai, mulkimhuai mahmah hi. Hihbangliang gitloh ngongtatna pen kamittawh kamuhcilna hi. Indonesia gamsung ah hihbangdan atuahsia te apanpihding Government Assistance omlo sawnsawn ahih manin, khasiat huai mahmah hi.
Hih nupinu pen akhe omlo in na semtheiloding a, atate nihpen avaknading lungkhamhuai hi. Zatui kibawlnading Medical Treatment akisap banah atate nekledawn dingzong kisam hi.
Huhna, natvehna sum aki ngahkhempeuh zatui kibawl nadingin kizangding a, aval aomleh atate etna in kizangding hi ci’n genkhia hi.
Related: Indonesia gamsung aom ‘Myanmar Embassy’ sungah meikuang kilot
GoFundMe Campaign ah huhna sum US$100,000 ngahzawh nadingin ki hanciam a, tuciangciang US$34,725 ki ngahsakkhin cih kiza hi. Sawltak #zomidaily
Comment piaknop aomleh...