Mai 2 anei alamdangdiak mawtaw khat Indonesia ah kibawl
Mawtawhawl a ukmahmah pawlkhat te’n a mawtaw uh atuamtuam in zemkawikawi in, puahpuahthei uhhi. Indonesia gamsung Bandung khuasung aom pasal khatinzong amawtaw pen limtak in puahpha a, anung amai cih akitheilo dingin atuamdiak khatin bawlthei hi.
Tua mawtaw pen “Double-ended” kici a, mai 2 neisak in, aci Color pen lengmaw tawh zutsitset hi. Ahawlna Steering Wheel anung amai cih aomloding in nihmah thuahpah hi.
Hihbang mawtaw lamdang abawlkhia pen khango tangvalno cihzong hilo a, kum 71 aphakhin Indonesian Mechanic khat ahihi. Hih mawtaw pen Toyota hi a, kha 6 sungtak ahunpia in abawl ciatciat ahihi.
Roni Gunawan akici hih mawtaw abawlkhiapa in Toyota Limbo mawtaw nih tankhia in, alu lamtuak zomkik, Welding in abawlkhiat ahihi.
Hih Orange Saloon mawtaw sungah Engine nih, Steering Wheel zong nih, Pedal zong nih, Gear zong nihmah kithuah hi. Gas Tank ahihleh khatbek zangsak hi.
Hoihtak in aleptuah hi a, alangnih ah mi 2 in khatkhitkhat hawltheihding in abawl ahihi.
Hih mawtaw abawlkhiapa Roni Gunawan in agenna ah Toyota Limbo Car nih alang panin katankhia hi a, ka naseppih kalawmte mi 10 in honghuh uhhi. Tua Toyota Limbo nihtepen alaipanin pehkik in, mawtaw khat kasuahkhiat ahihi.
Abeisa sawtpek inzong mawtaw atuamdiak mahmah Unique Car bawldingpen ka lunggulhdet ahihi. Tawlpi khatsung hunpia in, ka leptuahtuah uhciangin hihbangin alamdang mawtawkhat hong piangkhiathei ahihi ci’n genkhia hi.
Video: Double-ended car turns heads on Indonesia roads
Ahi zongin hih mawtaw pen lamzikpi tungah azat khiatzawh asawtlo in Police te’n matsakpah sawnsawn uhhi. Thukhun tawh kituaklo ci’n Police te’n khuasung ah zatding aphallo uh ahihi.
Senior traffic police officer Hilman Rawalasi in agenna ah hih mawtaw pen Indonesian Traffic Rules tawh kituaklo hi. Safety Signal omlo, Reverse Light omlo, tuabek thamlo, mawtaw aphacia Dimension pen angeina tawh kituaklo ci uhhi.
More: Malaysia Sprint Highway lamzikpi tungah mawtaw khat puakkham in meikuang
Tuaban ah hih mawtaw abawlkhiapa in Color leh Shape te alaihma in License ngetna bawllo hi. Mawtaw tungahzong Number Plate pen 2 kithuah in, tuabang omtheilo hi. Ahi zongin abawlkhiapa tawh khuasung ah zangloding cih thukimna “letter of agreement” akibawl khitciangin hih mawtaw pen aneipa khutsung ah ki piakik hi ci’n Senior traffic police officer in genkhia hi. Sawltak #zomidaily
Comment piaknop aomleh...