Video: Datsi puakna Oil Tanker mawtawpi khatin mikhat gawikha
Malaysia, Johor State sung aom Segamat District ah datsi puakna Oil Tanker Lorry mawtawpi khatin mikhat akhe gawitansakkha cih NST pan kiza hi. Tua agawikhakpa pen Motorcycle tawh akiten uh hi a, anungah atuangpa “Pillion Rider” ahihi.
Hih thupiang pen Monday ni in Jalan Tasek Alai Junction geinai, Jalan Seremban – Segamat lamzikpi tungah thupiang ahihi.
Oil Tanker ahawlpa leh Motorcycle tungah mi 2 atuangte kitawng uh a, kigal kawkgawp uhhi. Motorcycle nungah atuangpa pen hehmahmah in, Oil Tanker ahawlpa tawh lamzikpi tungah apai kawmkawm un kinak totmahmah uhhi.
Hihbangin Oil Tanker agei panin Motorcycle khatin adelhdelh laitak, anungah azuikha Motor khatin asungpanin Dashcam tawh Video Record nabawlkha hi. Tua Video pen akigawmin 31 Second sungkhawng sawt a, Malaysia gamsung Social Media tuamtuam ah kizelgawp, Viral gawp hi.
Video sungah Tanker Driver leh Motorcycle tungah atuangte akitot kawmkawm in, Brake sikin damhawl zawdeuh uhhi. Ahi zongin khawlcipsaklo uh a, tualaitak in Motorycycle nungah atuangpa kumkhia in, tua Oil Tanker pen delhphei hi.
Video: Watch Man run over by oil tanker lorry in horrific Johor road rage incident
Tuakhit ciangin ahawlpa tutna, amaibuk ah kahtoding in kithawi a, alettohleh hoihtak lenkip khalo in leilak ah kiasuk hi. Tuaciangin Oil Tanker mawtawpi in anawkpheikha ahihi.
Tua Oil Tanker pen pei 14 tak anei “14-wheeler” khat hi a, Tyre tezong agol mahmah ahihi. Tua apeite honkhat in Motorcycle nungah atuangpa pen gawikha hi.
Akhelam gawikha in, alu apumlam gawikhalo bilbel ahih manin silosam a, Hospital Daerah Segamat ah kipuak in zatui kibawl hi.
More: Malaysia, Kota Marudu ah lamzikpi mencim in Motorcycle tawh mi 2 ahingtang in vuknelh
Hihvai akankhia palik thunei ahi Segamat Police Chief Superintendent Raub Selamat in agenna ah tua Oil Tanker ahawlpa in Motorcycle tawh atuang mi 2 te Horn tumsankha ahih manin, Motorcycle tungah atuangte hehmahmah uh a, tuapan in kitotna apiang hi ci’n genkhia hi. Sawltak #zomidaily
Comment piaknop aomleh...