Australia, Perth Siyin Baptist Church ah Senator (Hlutdaw MP) Dean Smith vahawh
May Kha 12 ni ( ni pi ni) in Western Australia State pan Senator khat a hi Mr Dean Smith leh Isaac Stewart te mi 2, Perth Siyin Baptist Church ah va hawh in thu tam pi va gen cih thu ki za hi. A va hawh na vai uh pen, May Kha 18 ni Gam Bup ki teel na (Federal Election) a hih man in mi nam tuam tuam te kiang ah Mesuai (မဲဆြယ္) in va pai hih tuak hi. A ma gen na ah tutung ki teel na ah mee (vote) nong piak vua, kumpi ka ngah kik uh leh no gam bel vai zong hong huh kik nung cih pen gennpha diak ci hi.
Malaysia, India leh Thailand om gambeel ( Refugee) te vai leh Citizenship vai ah ei gam beel te ii, i buai pih pen hi aa, tua te gel a bul pi in hong pan pih ding hi ung cih gen pen in nei ci hi.
Mr Smith pen Ei Kawlgam mi te a diak in Chin/ Zomi te hong vei mah mah khat hi aa, Nung kum in zong Malaysia UN zum dong ah UN in Chin refugee vai 2019 December kha ciang bei ding cih tawh ki sai lung hi mawh a hih man in Malaysia dong ah va phu ngiat a hih man in, tu in Chin Refugee vai pen hong ki ki zom kik cih theih a hihi.
Tua bek hi lo in Canbera mahmah ah zong Chin Human Right te tawh ki mu khawm in, Kumpi lam pan Chin mi te Australia hong peem theih na ding va han thawn ngiat hi. Malaysia a pai lai in zong Refugee Community tuamtuam a hi ZAM, ACR, CRC etc.. makai te tawh zong va ki mu uh hi. Mr Dean Smith pen Liberal Party pan Senator (Hlutdaw MP) khat a hihi. Credit: Pu En Za Pum, Lamhkim Samte (Melbourne) ZomimediaAus
Comment piaknop aomleh...