UN vai ah kikhemna om zel!
UN Card kihawm ding cih thumaanlo a kithan sakna hangin UNHCR zumpi maiah August ni 11 ni in mipi a tul a sim kikaikhawm zihziah uh hi. Hih thu tawh kisaiin UNCHR thuneipa Richard Towle in Bermana thukante khiang a genna ah “Mi pawlkhat in thu hilolo athansakna uh hangin hih thu a piang hi.
UNHCR vai pen a pai ngei bangin pai in hun hongla ding a bangmah buaina omlo ding hi” cihsan ziau hi. Sun lam ciangin Palikte hong pai uh a amau thupiakna tawh UNHCR zumpi maia kikai khawm mipi tul val te ciahkik pan uh hi. Brickfields palikbopa genna mipi sungah UNHCR Card kihawm kik ding thu kithang sak ahih manin hih thu apiang hi ci hi.
Abdul Rahman akici kalate khat in a genna ah “Kei pen Johor a nasem hi ingh. Phone numbat ka theih ngei loh khat in Rohingya te ading UN Card kihawm ding hong cih ciangin hong pai ka hi hi” ci hi. Thuhaida akici khat leuleu in “Zingsang nai 7 hun in UN Card hawm kipan ding cih thu ka zaak ciangin UNHCR zumpi maiah giahphual a saat vet ka hihi.
Tun ahi leh lamet bei takin a ciahkik ding ka hi mawk ta ve maw” ci ngeungeu ek sam hi. Mipi kikaikhawmte pen Rohingya vive hizaw uh hi. Source : www.bernama.com
(Ei Zomi sungah zong hibanga phone numbat theihlohpi tawh a ki khemkhem leh thumaan lopi a thangsak ki om thei zel ahih manin kidop huai mahmah hi).
RSC te ZAM zumpi ah hong hawhkik ding
RSC uliante ZAM zumpi ah hong hawh kik ding uh ahih manin USA pai ding peuhmah dotnop tuamtuam anei peuhmah in anuai hungeelna bangin nong kihel zawh na ding un deihsakna lianpitawh kong zasak uh hi.
Ani : 18 August 2015 (Tuesday)
Amun : ZAM Hall
Ahun : 9am (Amasa te man masa hong hipah ding hi).
⦁ RST phikhit zawh kum 1 valkhin napin banghang RSC pan hong kisam nailo?
⦁ RSC phi zawh kha 6 bang phakhin napi’n bang hang DHS pan hong kisamlo?
⦁ DHS na phipih te sisit kisam ngai napin nang banghang IOM pan hong samlo?
⦁ RSC or DHS pan ahang tuamtuam tawh on hold/pending ngahte cih bang atuamtuam ki dong thei hi.
Zogam Dongtuakte ading huhna kipia ziahziah
Go Suan Mung (Haupi) 50
Zomi Christian Fellowship – Dengkil 100
Dal Khan Thang + Cin Ngaih Thuam (Saizang) 40
Thang Khaw Kam (Ngente) 100
Malaysia Zozaang Youth Association (MZYA) 200
Mualpi Innkuan Malaysia 200
Kap Sian Mung (Chantagyi) 800
Lian Khual Thang (Zozaang) 20
Francis Dal Lam Thang (Zozaang) 40
Thang Khua Pau (Mualpi) 200
Jacob Sing (Laaitui) 50
Tun Bawi (Suangzang) 100
Paul Gin Cin (Kapteel) 100
Deih Tuang (Kapteel) 60
Zomi Kepong Home cell 250
Zomi Christian Fellowship – Kota Damansara 1,000
Malaysia Muizawl Innkuan 200
Ambrose Suum Khan Dal (Buan) 50
Huaipi (Luangel) 100
Kent Leong (Sente Huaipi’ Bosspa) 500
Lian Mun Khai (Suanghoih) 20
Cin Ngah Hau (Ngalzang) 50
Suan Dal Thang ((Buanli) 50
Khan Tung Tuang (Chantagyi) 10
Tuitawh Khua Kipawlna 200
Hau Lam Mang (Zangzawl) 50
Cing Tul Vung (Lingthuk) 100
Thang Sian Mang (Suangzang) 50
Thang Sian Lian (Tuitawh) 100
Phunom Khua Kipawlna 200
Starlite Company a sem Zomi 37 te kiangpan 800
Pau Go Thang + Thang Khen Lian Mang (Zozaang) 40
Mualbeem Innkuan Malaysia (MIM) 200
Suh Khan Thawng (Lailui) 50
Shalom Songailong Pawlpi 185
Cing Sian Dongh (Saizang) 50
Suan Sian Mung (Mualbeem) 300
Tuangpi (Vangteh) 50
Ngalbual Innkuan Malaysia 150
Tualzang Innkuan Malaysia 200
Aung Lian Thang (Tualzang) 50
Grace Assembly of God (Wangsa Permai) 500
Gin Za Sawm (Lailui) 50
U San Thein (Yangon) 100
Gin Lan Thang (Lailui) 100
Thang Lam Cin (Lailui) 50
Dim Sawm Sing Lailui) 100
Gin Lian Tuang (Lailui) 25
Hang Sian Sang (Lailui) 25
Mang Lam Sum (Lailui) 50
Tung Muan Lal (Vaivet) 100
Tung Kap Sing (Tauleng) 50
Tung Sian Sang (Tauleng) 50
Pau Lam Sum (Pyidawtha) 50
Teeklui Khua Kipawlna 200
Thang Mun Khai (Laaitui) 50
Suangphei Innkuan Malaysia 150
Wong Chee Tak (Starlite Electrical Trading SND. 2500
Melhoih Sang (Tauleng, Zozaang ateng) 100
David Lian (Kapteel) 300
Ng Lim Kiat 50
Mang Khan Mung (Limkhai) 100
Pakzang Khua Kipawlna 100
Paan Khup (Pangzang-Sakolam) 50
Tuithang Khua Kipawlna 200
Langh Khan Khual 100
Haupi Khua Kipawlna 200
Christ Mission Fellowship 1700
Ih nasepna boss te tungah zong Zogam dongtuak vai huhna ngetsak ciat ni. Ih piak zawh zahzah ZAM ah gawmkhawm in khak khawm ni ei.
August sung IOM pan sisit kisam ziahzaih
August kha pan kipan IOM panin sisit ding azah khat val kisam ziahziah ta hi. IOM zumah talo ahih manin pawl khatte UN zumah hong sam ding uh hi. Tua bekthamlo in pawl khatte zum khak ni (Saturday & Sunday) nite zong hong sam ding uh hi.
On Hold or Pending a om cipte ading
Fraud tamluatna hangin US lam paiding zah kipuak zolo ahih manin DHS pan khawlsakna a thuakte (On Hold or Pending) te hon khat samkhin a, sapbeh lai ding cih thu kiza ahih manin lungdam huai mahmah hi. Nang hih dinmun ah na om khak leh navai kan in.
September kha sung tampi leng thei ding
Abeisa kha dangte sangin September kha sung tam lengsakzaw ding a 2500-3000 kikal lengsak ding ci uh ahih manin lungdam huai mahmah hi.
USA aleng dingte thusinna (CO Class)
Abeisa hunin US leng ding peuhmah ni 4 sung thusinna kineisak a, tun ahih leh hun kicin lohna hang leh manlangsak nopna hangin ni 2 bek kahsak ta ding hi.
Phone No. laih ding dan
⦁ UN huam sung a om lai nahih leh UN ah laih pah in.
⦁ RSC & DHS ngak nahih leh RSC leh DHS ah laih in.
⦁ Aleng ding angak nahih leh IOM zumah laih zaw in.
Tukaal sung ZAM palaai te buaipih diak teng
Embassy ah ciah ding buaipih teng:
Lian Khan Cin (Ngawsing), Suan Khaw Mang (Zonuamzang), Zam Thawn Khai (Mualzang), Suan Pau (Singunau) leh Thang Sut Kham (Mualnuam) te Pasian hehpihna tawh innlam kiciahsak thei hi.
Mat le hen lam buaipih teng:
Nel Ngaih Lian (Bapi), Zam Hau Mang (Zonuamzang), Hau Mung (Laibung), Gin ngaih Piang (Nahnuai), Nang Lam Thawn (Nahnuai), Nang Suan Khual (Suangzang), Hau Deih Piang (Tuithang) te Pasian hehpihna tawh kitan khia thei hi.
Damlo vai buaipih teng:
Tual Suan Khual (Zozaang) HKL zato ah,
Niang Ho Nuam (Tuimang) leh No No UKM zato ah,
Pau Suan Mung (Anlangh) Serdang ah,
Mang Nuam leh Lian Don (Laaitui) Ampang zato ah,
Khan Min Lun leh Khen Siam Kim (Vaivet) Kajang zato ah ki buaipih hi.
Buaipih laitak teng:
Zen Lam Huai (Thalmual), Niang Deih Lun (Thalmual), Hau Sian Khai (Saipimual), Cin Kap Thang (Pyidawtha), Pau Mun Thang (Vongmual) leh Thang Sawm Lian Mung (Lunmual) te kibuaipih laitak uh hi.
Zomi Idol leh Zolia & Zotaang kihel dingte
Malaysia a om Zomi khangno te lapsangna dingin 2015 Khuado pawi hun sungah Zomi Idol leh Zolia & Zotaang kidemna neihtheihna dingin nasia takin ki vaihawm kik hi.
Zomi Idol 2015 leh Zolia & Zotaang 2015 kihel nuam min sazian pianailo na om khak uh leh kipia thei lai hi.
Min piaktheih nading:
⦁ Sianu Deih Mang 016 376 0237
⦁ Joseph Mangsen 018 354 2927
⦁ Hau Suan Khai 012 367 4665
ZAM pandahpihna
Anlangh khuami, Pa Hang Khan Go (Tohing) leh Nu Thang Khan Dim te tapa Tg. Pau Suan Mang (Kum 31) in Malaysia gamsung a om KLIA thongsung panin damlohna hang tawh Serdang zatopi ah kipuak in 11 August 2015 ni in zato panin hong ciahsan hi.
Sanggampa Tg. Pau Suan Mang luanghawm vai khempeuh ZAM-ZSM leh Zomi Adventist Church tawh makaihna tawh ZAC biakinn ah hun nunung lungkim huai takin hun bawlna kinei a, nitak ciangin Sunggai Buloh hanmual ah aluanghawm thei hi. Adah akap lungzuang, khua ngai khempeuh, adiakin asanggampa Sia Htoo Mung tawh kibangin Malaysia Zomi zumpi panin ih dahkhawm hi. Topa’ hehnepna hong tungsakta hen!
UN Sisitna mun
IOM MHD Malaysia
No 1, Jalan Pahang,
2nd Floor/Level 3 KPJ Healthcare, 53000
Kuala Lumpur, Malaysia
General Line : ‘ 03-9235 5400
USA lengding te tentan kahna
F& B Business Park
18 Jalan Metro Pudu 2, Fraser Business Park
Jalan Pudu, 55100 KL (Near LRT Chan Sow Lin)
Australia lengding te tentan kahna
A 14-6, Menara Atlas Plaza Pantai
Jalan Pantai, Rharu 59200 KL,
‘ 03-9235 5431
Zomi Card tawite ading nasep
Kochai Lama Hotel thak khat ah Cashier sem ding Computer athei mi 1 leh house keeping sem ding mi 1 kideihbeh lai. Kizopna ding ‘ 012 367 4665
Lungdamkohna
⦁ Dal Teng Mung (Darkhai) in ZAM adingin RM20 hong pia ahih manin ki lungdam mahmah hi.
Note :: PDF tawh na simnop leh
Hih link >>> PDF File tungah namek lecin Download kullo in PDF Version tawh ki simthei pahding hi. PDF File tepen ihtheihsa mahbangin Mobile Phone sangin Desktop PC tawh a etdan lemzaw khading hi.
Newsletter pen PDF tawh akikoih hi a, ki simtheilo ahih keileh hamsatna khatpeuhpeuh aomleh hehpihna tawh ong zasak kik in. Anuai ah Comment Box pan inzong Comment, Feedback, Suggestion na piaksak inmaw…
Malaysia gamsung aom ZAM (Zomi Association of Malaysia) panin Zolai tawh kalsim in Newsletter neiden uhhi. Kuala Lumpur khuapi sung aom Zomi te kikhopna Biakinn Churches tuamtuam leh Zomi te paidiakna ansai Restaurants tuamtuam ah Printed Copy kikoih kawikawi hi. Ahi zongin Kuala Lumpur khuapi tawh aki gamla aom khuate ah ahunlap in ki ngahlo ahih manin, tuate ading khualna leh Internet azang leitung muntuamtuam gamtuamtuam aom Zomi te ading khualna tawh Zomi Daily website tungpan kongsuaksak zelzel uhhi.
Comment piaknop aomleh...