Thailand, Pattaya tuipinawl ah numei pasal aomkhop laitak video ki khahkhia

Thailand, Pattaya tuipinawl ah numei pasal aomkhop laitak video ki khahkhia

Thailand, Pattaya City aom Dong Tan Beach kici tuipinawl gei ah numei leh pasal aomkhop laitak Video Clip khat Social Media ah ki khahkhia hi. Tua Video sunga aomkhawm tepen gamdangmi Foreigner hiding kici a, Thai gammi te hehmahmah in matding in Police te’n azonsan laitak cih kiza hi.

Tua Video Clip pen abeisa Sunday zingsanglam 8am hunpawl in akizaih ci a, Second 31 sungkhawng sawt hi. Social Media ah aki lotkhiatzawh ki thehzakpah zihziah hi.

Tua Video sungah pasalpa pen amel kitelpian simtham in, Westerner khat hiding kici hi. Tuinin paihkhiatna Drainage Pipe tungah aomkhawm uh hi a, tuapen pen Jomtien Marine Rescue Centre 3 ii anunglam Tambon Nong Plue of Chon Buri’s Bang Lamung District sung munkhat kici hi.

Tuabangin aomkhop laitak in apuansilh te uh suahkhialo a, ahi zongin abombi tomte themcikbek kaisuk uhhi. Ageinai ahzong Foreign Tourists tampi tuipinawl ah atu tampi om uh kici hi.

Athu athei tuamunsan ah aomkha Rescue Center panin kumpi thunei Official te’n agenna ah tua lawmta tepen zukhamsa, zupengnawngsa hiding ci uhhi. Zanthapai Party kahin zudawndawn uh a, zingsangtung lamin hihmun ah hongtung uh hiding ci uhhi. Drainage Pipe tungah tawmvei tukhawm uh a, tuakhit ciangin aomkhawm uh kici hi.

Tuabang in mipi muhtang in aomkhop uhciangin kumpi thunei te’nzong phit mutsan uha, Warning apiak ciangin anih un khawlbawl uhhi. Tuakhit ciangin thokhia in, paikhia uh cihi.

More: Mipi muhna lampi gei ah aomkhawm nupakop te Thai Police te’n zonsan

Tua Video Clip pen Social Media ah ki thehzakgawp ahih manin, Pattaya Police te’n tua lawmta te hoihtak kankhia in, thubawlding, liausakding cih kiza hi. Abeisa 2017 May khasung inzong Thailand, Samui, Nothorn Beach akicihna ah tuabangdan in mipi muhna ah aomkhawm omngei mawk hi. Sawltak #zomidaily