Malaysia khuapisung tengah palik mi 1000 val ki vaksak kawikawiding

Malaysia khuapisung tengah palik mi 1000 val ki vaksak kawikawiding

Malaysia gamsung aom khuapisung muntuamtuam ah mipite’n lungmuanna aneihtheih nadingin palik mi 1000 val kivaksak kawikawiding cih Bernama News pan kiza hi. (Malaysia gammi te’n Police amuh uhciangin luangmuang “Feel Safe” uh a, gamdangmi te’n Police amuh uhciangin patau uhhi)

Hihbangin Malaysia khuapi sungteng ah Royal Malaysia Police (PDRM) te avaksak kawikawipen gamsung ah gitlohna, gamtat hoihlo khatpeuh aomloh nading “Crime Prevention Operation” cih ngimna tawh akivaihawm hi a, tuapen “Op Harapan” ci’n minvawh uhhi.

Malaysia gambup Nationwide ah adiakin mun 23 Hotspot Areas te ah Police te kikoihding cihi. Tuate lakah adiakdiak in khuapi “Big Town” zawdeuh ahi Damansara, Kajang, Ipoh, Bandar melaka cihte ah Police te avak kawikawiding, khuasung avilding in kikoihding hi ci’n Internal Security and Public Order department head Datuk Seri Zulkifli Abdullah in genkhia hi.

Tuabangin akikoih Police tepen khe ngiattawh khuapisung ah kileh kawikawi “Patrol” ding uh a, khuasungmi “local residents” tetawhzong kithuahkhawm, kikhawlkhawm, ki hokhawm in omding uh cihi.

Hih “Op Harapan” kici Operation ahih keileh Operasi ii a ngimna zong mipi tetawh kithuahkhawm in, mipi te’n lungmuanna aneihtheih nading, mipi te’n kageinai ah Police te’n hong ompih hi cih atheihnading cih ngimna ahihi.

Video: About a thousand police personnel have been deployed to 23 areas nationwide for a new crime prevention programme called Ops Harapan. Bukit Aman Internal Security and Public Order Department director Comm Datuk Seri Zulkifli Abdullah said the operation was another layer of protection to safeguard the public from crime.

Hihbangin “Op Harapan” kici Operasi pen khakhatsung kisin kizangphot “Trail Run” dinga, tuakhit ciangin akisam bangbangin ki zomtoding hi ci’n genkhia hi.

“Foot Patrol” kici khetawh khuasung avak Police te bekthamlo, Air Unit te’nzong Helicopter leh Drone vanlengneu te zangin khuasung ekcikna Surveillance bawlding uhhi. Cavalry Unit te’nzong sakol tungtuangkawm in khuasung ah vakkawikawi in, khuasung etcikna neiding uhhi.

Tuabangin Hotspot Areas 23 aki ciamteh muntepen mi tampitak ateen nadiak “Population Density” leh khetawh khuasungvak atam nadiak cihte bekthamlo, abeisa in gitloh gamtatna “Crime Index” atamdiak munte zong ahihi.

More: Kuala Lumpur, Chinatown ah Operasi kibawl in gamdangmi 300 thusitna kinei, 170 kimansuak

Hih Program thakah akihelding tepen Federal Reserve Unit (FRU), General Operations Force (GOF), Marine Police and Air Wing cihte panin Police Patrol panpihding in akihelding ahihi. Malaysia gamsung ah Operasi tam mahmahding cihpen lamkhat panin agamsung ah aomcip miginalo, migilo te asiansuahnuam, agamsung ah migilo, guta, ngongtatna abawlsawm cihte asiansuahnuam uhzong ahihi. Sawltak #zomidaily