Kuala Lumpur, Monorail meileng Station tungpan in numeikhat kiasuk in sipah
Malaysia, Kuala Lumpur khuasung kikawmna in akizang Monorail meileng Station tungpanin numeikhat kiasuk in sisuakpah cih theStar pan kiza hi. Tuni Sunday ni in Times Square gei aom Imbi Monorail Station ah thupiang ahihi.
Tua numeinu pen Vietnam gammi hiding kici a, Jalan Imbi Monorail Station inndawl 3rd Floor panin akiasuk kici hi. Dang Wangi OCPD Asst Comm Mohd Sukri Kaman in agenkhiatna ah tuni sunlam 1:22pm hunpawl in hih buaina Incident omhi ci’n Police Station ah hongki zasak cihi.
Palik thunei te genna ah tua numeinu pen Vietnamese National khat hi in, kum 20 gualpawl aphapanding khangnolai khat cihi. Athu akician in akitheihlian nailoh hangin, hih Vietnam numeinu pen Monorail Station panin atuaksuk hiding in ki ummawh cihi.
Innsangtung panin atuahsukna ageinai mahah ama Bag khat kimu in, tuasung ah Passport leh ama vanzat pawlkhatzong kimu hi. Passport sung aki etsak ciangin, hih numeinu pen abeisa September 10 ni in Malaysia gamsung alutpan, atungpan kici hi.
Video: Vietnamese woman killed after falling at Jalan Imbi monorail station
ChinaPress te genkhiatna ah hih numeinu pen innsangdawn dawl 3 na panin akiatsuk ciangin anuai ah dawl 1 na tusuk masa cihi. Tuateng atuksuk ciangin apumpi pen sikzum tawh kisunkha masa in, tuakhit ciangin anuai leilak lampi tungah kiasuksuak leuleu ci uhhi.
Agei ah amukha Eye Witness te genna ah hih numeinu pen akiatsukma in bangmah lungsim nawngkaina neihtuaklo ci uhhi. Amah leh amah amawk tuahsuk hiding in ki ummawhlo hi. Anuai lampitung Concrete atuksuk ciangin amaitawh akhuplam in Platform tawh kisaksuk leuleu hi.
Related: Kim Jong Nam thahna ah akihel Vietnam gammi Doan Thi Huong thu tawmkhat
Aluanghawm pen Kuala Lumpur Hospital (HKL) kipuakphot a, asihna ahang taktak pen hoihtak in ki kanciansan cihi.
Police te’n amau muhna ciangciang ah hih numeinu akiatna ah akisawnkhia cihte, gitloh gamtatna Crime bangmah omlo, kimulo ci uh a, akiatzia, koicikiat, banghangin kia cihte kitheician nailo hi. Tulaitak asihna ahangpen Sudden Death cihciang tawh ki ciamteh phot hi. Sawltak #zomidaily
Comment piaknop aomleh...