Midang pasal tawh alumkhawm numeikhat aguaktang in khuasung ah kivakpih

Midang pasal tawh alumkhawm numeikhat aguaktang in khuasung ah kivakpih

China ah papi khat in azi theihlohkal in numeidangkhat na lumkhawmzel ahih manin, azi in atheihciang hehlua mahmah in tua numeinu pen aguaktang in khuasung ah vakpih cih Mirror pan kiza hi. Hehlua mahmah ahih manin athuhkikna in tua numeinu dan apiakna in aguaktang in vakpih cihi.

(Theih khinkhian dingin: Midang te pasal tawh aomkhawm numei te pen Mangpau in “Mistress” kici hi, Kawlpau in အပျော်မယား kici hi. Numei theih ngeilohkhawng zahtakna tawh Mistress ci’n mawksap khakding kidop huaihi. Amin natheih ngeilo numei khat na sapnopleh “Miss” cile ci’n khialh omlozaw khading hi.)

Azi in agenna ah apasal pen kalkhat in khatveita tawlpikhatsung mangcip dildelzel in, bangmah ki thuzakna omvetlo in omcipthei cihi. Amahzong muangmawhpian in asulzuihzuih leh anunung ah numei khattawh lupnatung ah aomkhop laitak tuakkhamawk ahih manin hehlua mahmah hi.

Tua numei Mistress nu pen asampan in mancippah in, khuasung ah vakkhiat pihpahlian cimawk hi. Anawituam Bra beklianmah silhgeigai in, Handbag khat kuahlanglang kawmin khuasung mipimai tengah vakkhiatpih kawikawi cihi.

Nungkhasung in China, Sichuan Province sung aom Yibin City sungah thupiang hi a, khuasung ah vakpih kawikawi in mitampi takin enzihziah uhhi.

Video: Furious wife parades her husband’s mistress NAKED in the streets

Tua Video Record abawl Chichi Chan kici ii genna ah Midang khat ii pasal tawh alumkhawm himawk ahih manin Mistress numeinu pen kuamah in hehpihlo uhhi.

Mistress numeinu zong ama khialhna kithei ahih manin, mawhnadan akipiak bangbang in zuipahlel cihi.

Hihbang in midangte agamtatloh nadingin Warning piakna khat ahih manin hoihmahmah hi. Midang te’nzong agamtatna uh anungsang ah bangin zuithei cih aphawkding uh kidopnading hipah hi ci’n Video Record abawlpen in genkhia hi. Laisim te’n na utdandan uh na Comment dihvou leh 🙂 ZD Sawltak #zomidaily