Malaysia, Sibu aom zato khat meikang in mi 1000 bang ki taikhiasak ngeingai

Malaysia, Sibu aom zato khat meikang in mi 1000 bang ki taikhiasak ngeingai

Malaysia, Sarawak State sungaom Sibu khuasung ah zato khat meikang ahih manin, zatolum cina leh nasem akigawm in mi 1000 bang patau in ki taikhiasak ngeingai cih theStar pan kiza hi. Meikat kipatna pen Sibu Hospital ii pasal cinate lupna “Male Medical Ward” pan hi a, akigawm in 18 Wards sung aom cina leh akemteng aki hemkhiasak ahihi.

Meikatvai tawh kisai in meiphelh thunei Sibu Bomba acting Chief, Wan Kamaruddin Ahmad in agenkhiatna ah hih meikatpen tuni Saturday (Nov 18) zingsanglam 8:15am hunpawl in akipan cihi.

Male Medical Ward aom Toilet Area ah akizang Air-con System te ii Blower te siacip in, tuapan in meikuang akipan cihi.

Hih meikat buaina hangin mihing akigawm in 1000 bang nawngkaisak hi. Lungmuanna aom nadingin Safety Reasons tawh 18 Wards sung aom cina leh nasem te ki hemkhiasak in, Hospital ii huangsung mun 3 ah ki omsak hi ci’n thunei te’n genkhia hi.

Patau meikang om cih zingsang 8:19am hunin Distress Call hongki zasak ciangin Fire Engines 2 leh meiphelhding in Firefighter mi 19 in kidelhpah cihi. Firefighter te atun uhciangin tawmveisung in meikuang phelhsiang zopah uhhi.

Sibu Hospital director, Dr Ngiam Hie Ung in agenkhiatna ah meikuang aki phelhsiangkhit ciangin cina tepen amau lupna tektek ah 11am hunpawl in ki ciahsakkik cihi. Meikatna hangin asi leh aliambel kuamah omlo hi.

Ahi zongin meikat akipatna Male Medical Ward lamsang pen puahphat kulding, Maintenance bawlkulding leh meikatna hoihtak kancian kullaiding cihtengtawh tualam ah cinate pen amundang ah ki tuahsakphot hi ci’n Sibu Hospital Director in genkhia hi.

More: Malaysia, Jahor Baru ah Hospital meikang, mi 6 sikhin ~ ZD

Nungkum October khasung inzong Johor Baru aom Hospital khat meikang citciat hi. Tuahunlai in zato ah sinuamnai hetlo in ICU (Intensive Care Unit) inndawl sungah limtakin akikem khinkhian cina gimmahmah mi 6 takin sihlawh citciat uhhi. Sawltak #zomidaily