Singapore leh Malaysia ah tusungteng khuahun votmahmah

Singapore leh Malaysia ah tusungteng khuahun votmahmah

Singapore gamsung ah tuni Sunday zingsanglam in khuahun avotna 21.2 Degrees Celsius ah kiasuk in khuadam kisa mahmah hi. Singapore leh Malaysia gamte pen atawntung in alumden gamte hizaw ahih manin, 21.2 Degrees Celsius pen avot mahmah hita hi. 2016 kum khitzawh Singapore gamsung ah avotpenni “lowest temperature” in aki ciamtehzong ahihi.

Singapore, Admiralty leh Jurong West vengsung ah Sunday zingsang 5am hunpawl in Temperature 21.2 Degrees Celsius ah kiasuk hi ci’n National Environment Agency (NEA) te’n Facebook tungtawn in agenkhiat uh ahihi.

Singapore gamsung aveve ahi adang vengpawlkhat ahzong Temperature pen 21.3 panin 22.2 degrees Celsius ciangbang ah kiamsuk hi.

Nungkal Thursday ni in Jurong West vengsung ah Temperature pen 21.6 degrees Celsius ah kiasuk a, Aung Mo Kio leh Admiralty vengsung ah 21.9 degrees Celsius ah kiasuk hi.

National Environment Agency te genkhiatna ah khuahun pen votsuaksuak laiding in ki ummawh ci a, ahi zongin Temperature 23 leh 24 degrees Celsius kikalpawl hiding in ki ummawh ci uhhi.

Malaysia, Klang Valley kuamsung ahzong Temperature 22 degrees Celsius bangah kiasuk ahih manin, khuahun vot kisa mahmah hi. Hihbangin khuahun avotgawpna pen North-east Monsoon in anawkkhak hang hi ci’n Malaysian Meteorological Department te’n genkhia uhhi.

Video: Temperatures in Malaysia dip to 22 deg C, leading to mixed public reaction

Malaysia gamsung ah hihbangin khuahun avot pen Sunday niciang dongbek hiding hi ci’n Malaysian Meteorological Department te’n agenkholh hi a, zingciang Monday hongtungleh amantakpi diam cih kitheipan dinghi.

More: Singapore ah Myanmar innteeng khat inntungpan kiasuk dektak

Kuala Lumpur khuasungteng khuahun alum henhandet laitak in, Genting Highlands mualsangdawn tepen votsitset denhi. Tulaitak Klang Valley sungteng avot mahmah hunlaitak in Genting Highlands ahzong vot phadiak a, Temperature pen 13 Degrees Celsius dongah kiamsuk hi. Nang omna munah tulaitak Temperature bangzah ahia lawm? Sawltak #zomidaily