Myanmar leh Thai gamnih kumpi te’n agamsung ah a matkhiat uh guihtheih khamtheih vankham Narcotics akigawm in $800 Million manneiding haltum uh cih Reuters pan kiza hi.
“UN day against drug abuse and trafficking” cih ciaptehna in Monday ni in ahaltum uh ahihi.
Thai gamsung aom Ayutthaya Province sungah guihtheih khamtheih akigawm in 9 Tonnes bang ki haltum cihi. Tuateng asum in akituat ciangin 20 Billion Baht ($590 Million) bang manneiding kici hi. Hih vankham tepen ‘yaba” ahih keileh “crazy drug” cihbang inzong kithei hi ci’n Police te’n genkhia hi.
Sirinya Sitthichai, Secretary-General of the Office of Narcotics Control Board in agenkhiatna ah hih vankham tepen Thai gamsung panin Malaysia leh adang gamtuamtuam ah kipuaksawn kawikawi hi ci’n Ayutthaya khuasung aom Reporters te tungah genkhia hi.
Video: Myanmar and Thailand destroy confiscated illicit drugs
Kawlgam ahzong vankham akigawm in $217 Million manneiding kihaltum hi ci’n Myanmar Police te’n genkhia uhhi. Hih vankham Narcotics tepen China gamsung akipuakzel te kici hi.
Related: Malaysia gamsung ah tukumsung vankham tawh mi 55,903 kimankhin ~ ZD
United Nations te genkhiatna ah Southeast Asia gamsung ah methamphetamines kici vankham tepen hongki tamzat semsem hi ci’n genkhia uhhi. 2013 kumsung bekbek in Southeast Asia gamsung ah methamphetamines leh heroin akizuak pen $31 Billion bang manneiding cimawk hi. Sawltak #zomidaily
Comment piaknop aomleh...