Midangte thukhen nopkasak hangin keilekei kaki mawhsak nuamkei hi

Midangte thukhen nopkasak hangin keilekei kaki mawhsak nuamkei hi

Midangte mawhna thukhen ding baih ka sak mahamh hangin kei le kei mawh ka kisak ding haksa sain, a kimawhsak ngei lo mipa khat ka hi hi. (Nicky Gumbel)

Nasep ka pai ciangin mataw tawh ka pai ding sangin setbing tawh pai ding ka utzaw hi. Mawtaw tawh pai hi leng minute (45) bang kipai hi. Ahi hangin setbing tawh pai leng minute (15) bang bek sawt ahi manin, mawtaw sangin setbing tawh nasem-in ka paizaw den hi.

A hang in, ka nasep paina ah lampi ah lampi nih om a, mawtaw paina panpi le setbing le bus paina panpi a tuam tuakin om ahi manin, setbing tung le hang lampi kikhak cih bang om ngei a, mawtaw tuang le hang lamkawi lhempeuh phialah meisan om kawikawi ahi manin manpang takin kipaithei lo hi.

Tua manin, setbing ka tuan ciangin mawtaw tuangte kimakhelh ziahziah ahi manin, nuam kasa mahmah hi. Setbing le bus tam ngei lo ahi manin, lampi awng mahmah a, bus ahi lo mawtaw dangte in setbing tuangte laina lampi tawn thei zel uh ahi manin, tua hun ciangin hong makhelh theih loh nading un ka setbing lam laizangah ka hawl a, ka nawkaisak mahmah hi.

Mawtaw lampi hi lo ahi manin, a lam oam khat panin palik-te in tua mawtaw man uh a, ka nuam mahmah hi. Bang hang hiam cih leh amaute mawtaw lanpi ah pai lo uh ahi manin, a kimat uh pen thuman kasa hi.

Ahi hangin , guahzu a, khua hun a hoih loh ciangin setbing ka tuang nuam kei a, mawtaw ka zang leuleu hi. Mawtaw tawh ka pai ciangin setbing tuangte in, hong makhelh ziahziah uh ka muh ciangin ka thuak lah mahmah a, setbing paina lampi ah ka mawtaw ka hawl hi. Hong man ding palik-te koi munah om cih thei khin ka hi manin, amau omna mun ka tunma-in lam ka pial zel hi. (Nicky Gumbel)

Midangte in mawtaw tawh setbing paina pampi a zuih uh ciangin ka theisiam kei a, ahi zongin ken ka zuih ciangin paulap tampi nei-in ka zui hi. Hih bang lungsim ngaihsutna pen mihing ngeina hi, a ci mi tampi om uh hi. ahi zingin Pasian’ kammal in, “no mihingte ngeina ahi manin, kong theisiam dinga kong maisak zo lel ding hi, ci lo ahi manin, a nungta Pasian bia-a a um Tapidawte adingin Pasian kammal tungvmah ah kinga le hang Pasian deihna tawh kituak-in hoih pen ding ahi manin, a hanciam zo kim dingin i biak Pasian in hong huhin thupha hong pia kimciatta hen. Amen

Na khempeuhah no tunga hong kibawl ding na deih bangun midangte tungah bawl un. Hih in thukhan le kamsangte thu khempeuh huam khin hi. (Mat 7:12)

Na Share sawn un.

Lungdam,
Job Cinpi
Zomi Laisim Nuamte