Singapore gamsung vanzuakna pan van agugu “Shoplifter” numei khat thukhenzum ah thusitna akineihding nikhat kisap in asisa in kimu cih Straits Times pan kiza hi. Tua numei guta vanzuakna pan van agugu nupen nidang in Engineer khat hi a, atung a Photo pen ahihi. (Amelbang guktak mello cihnop huai phialmawk hi)
Tuanu minpen Goh Lee Yin kici a, kum 36 phakhin hi. Avan gukte pen S$6.10 mannei Gift Bag panin S$10,000 bang aman Valentino Dress kici puansilh manpha mahmahdong kihel hi. 2015 kumsung inzong van tampi gu kici hi.
Nungkum 2016 kuminzong S$30,000 val manneiding agukna hangin kiman ngeikhin kici hi. Tua S$30,000 bang amannei agukte pen Brand minthang tuamtuam ahi Kenzo, Louis Vuitton, Prada, Breville Oven cihte kihel hi.
Goh Lee Yin pen 2005 pan 2007 kikal hunlai in van guknopna natna namkhat ahi “kleptomania” natna neihi ci’n ki ciamteh ngei hi. Ahi zongin tua natna anei avenkhitzawh zong van gusuaksuak veve hi.
2011 kum inzong vangukna hangtawh thongsung lutzel pusuakzel cihi. Avanguk pen asumin S$97,000 bang a manneiding Hermes Handbags 4 ahihi.
Related: Singapore aom City Harvest Church pawlpi sum buaina
Tuanu pen Fernvale Lane, Block 405B ah asisa in kimu hi ci’n Wednesday ni in Police Spokesman khatin genkhia hi. ZD Sawltak #zomidaily
Comment piaknop aomleh...