Zaa khang nai lo deuh se

Zaa khang nai lo deuh se

A sep zawh kum 8 bang a pha Siavuan zakhang nuam mahmah khat om hi. Cina peuhpeuh zong bawl thei lel aa si sak liang ngei sam lo hi. Kum 8 bang siavuan mangpi te khut nuai ah nasem khin ta ahih manin za khan ding hong ut mahmah hi.

Ni khat siavuan pipa kiangah za hong khang sak ta ve ci in va ngen hi. Siavuan pipa in na sepzawh kum bangzah pha aa nasiam mah hiam? ci in dong hi. Siavuan nopa in zong kasep zawh kum 8 hi, ci na namkim zong bawlthei ingh ci hi.

Siavuan pipa in tua a hihleh hoih hi. Bang natna lam bawl siam penpen na hi hiam? Koi mun san ah sem nuampen na hi hiam? ci leuleu hi. Siavuan no pa in zong nong koihna peuhpeuh ah sem ning. A om bangbang lungdam tak in sem ning. Ka zaa hong khangsak in ci in thum hi.

Siavuan pipa in khasiat maitak tawh tuami pa en kawmsa in “sorry…ko kum 30 bang a sem khinsa te zong in kasiam ki cian na pen uh na ngawn haksa sa lai ungh. Nangh kum 8 bek tawh na khempeuh sepsawm maw. Siamna kician (ထူးခ်ြန္မႈ) na neih taktak ciang hong pai kik mai in” ci in ciahsak hi.

Leitung ah na khempeuh kisem thei napi siam ki cian i neih lohna in hong nguallel sak hi. Na nam 100 sep theih sangin nam khat ah siam mahmah ding han ciam leng ih zaa hong khang ding hi. lh sum lut hongkhang ding hi. l khangto ding hi. Siamsin Library