Indonesia gamsung ah pasal leh pasal “Gay” kopkhat alupkhop laitak ki mukhia ahih manin, thukhenzum in 85 veita ataw ciangduai tawh satding in thukipia cih Daily Mail pan kiza hi.
Ciingciangduai tawh kisat “Caning” pen baihtuak vetlo hi. Malaysia gamsung ahzong Zomi pawlkhat thongsung ah tawsat atuakngei om uh a, khatvei nihvei kisat bekzong kithuaklah mahmah cihi. Tuaban ah akisat ciangin liamgawp in meimapawn pen beingei nawnlo cimai hi.
Indonesia gampen pen Muslim akhauh phadiak gam hi a, numei leh numei “Lesbian” cihkhawng, pasal leh pasal “Gay” cihkhawng adeihvetlo uh ahihi. Sharia Law tawh kituaklo, thukham palsat ci’n azakdah mahmah uh ahihi.
Tua pasal nih akiman tepen kum 20 leh kum 23 phatuakkhin uh a, Indonesia, Aceh Province sungah akiman uh hisawnsawn hi. Aceh Province pen Muslim vivephial aomna mun hi a, Islamic Regulations pen khauhphadiak hi.
Hih lawmta tepen March khasung in Boarding House sungah aomkhop laitak un mipi te’n amatkhiat uh ahihi. Aki matlaitak Video zong Phone tawh akizaih om a, pasal khatpa pen aguaktang in aom laitak ahihi. Anih un suihtawh, tuattawh, bettawh thuakdikdek uhhi.
Khuasung mipi te’n alungkim takin abawlsait khit uh ciangin Police te’n man uhhi. Amau genna ah nupa “Couple” kahi uh ci a, 3 veibang lupna tungah ki thuahkhin ci’n genkhia uh cihi.
Banda Aceh Court ah thukhenna akineih ciangin Gay Sex hangin mipi maiah 85 veita tawsat thuakding in thu kipia hi.
Hih nupa ahih keileh papa “pasal leh pasal ahihciang papa” te khat ii apa in agenkhiatna ah atapa pen Gay ahihlam kathei khakei cihi. Hih thubuaiteng avenkhit ciangin Islamic Boarding School ah kapuakding a, hoihtak in thu kahilhsak dinghi ci’n genkhia hi.
Related: Indonesia ah naupang kha 10 aphapan khat agilsungah naupaai ahih manin Surgery kibawlding ~ ZD
Aceh Province sungah pasal leh pasal aomkhawm “Gay Sex” tepen atampen ciangduai tawh tawsat 100 vei cinag mawhnadann kipiathei cihi. ZD Sawltak #zomidaily
Comment piaknop aomleh...