Malaysia, Kuching aom Shopping Mall khat puakkham, mi 3 si, 26 liam
Malaysia, Kuching khuapisung aom vanzuakna Shopping Mall khatah apuakkham om ahih manin, mi 3 in sihlawh uh a, adangzong mi 26 bang liamgawp cih theStar pan kiza hi. Hih thupiang pen tuni Tuesday (Dec 04) sunlam in Kuching, CityOne Megamall sungah thupiang ahihi.
Hih thupiang tawh kisai in Sarawak Fire and Rescue Department in agenkhiatna ah sunlam 3:30pm hunpawl in apuakkham hi a, ninthemkawm lakpan in asisa in mi 3 ii aluangte kimukhia cihi.
Hih apuakkham pen bangpanin akipankhia hiding cihpen kitheician nailo a, ahi zongin NST te genkhiatna ah tua Megamall ii Commercial Outlet khatpen akipuahsan, Renovation akibawlsan laitak ahih manin, tualai munah akizang Gas bungte apuakkham hikhading hi ci’n genkhia uhhi.
Tua asite lakah mi 2 tepen CityOne Megamall sung aom anzuakna Nene Chicken akici Food Outlet ah nasemte kici hi. Tua Food Outlet pen ahoihzawding in aki puahphatsan laitak hi a, zingciangin kizosiangin athak in aki hongkikding geelna akinei ahihi.
Asi mi 3 te banah aliamte sungpanin mi 4 zong nakliam phadiak mahmah uhhi. Aliam bekbek pen mi 26 pha uh a, adang aliamte pen phadawm zawdeuh uhhi.
Tua apuakkham pen khauhmahmah ahih manin, Shopping Mall ii atunglam Ceiling te kicimsukgawp hi.
Video: Three men were killed after an explosion rocked a shopping mall here on Tuesday (Dec 4) afternoon. State bomba director Khirudin Drahman confirmed that those killed were two Sarawakians and a Penangite. He noted that two of the deceased were workers of the Nene Chicken food outlet in the CityOne Megamall.
Tua geinai ah nasemkha pawlkhat te ii genna ah apuakkham pen ginngaihlua mahmah hi. Amasa in vanging kasa a, ahi zongin adenciang in aging bekthamlo, alingzong kathei a, tuazawh khitciangin nasem te Building apualam ah taikhiading ci’n thu hongkipia hi ci’n tuaphual ah nasem in aomkha khatin Media te tungah genkhia hi.
Tuahun laitak in mi 20 valbang ageinai tengah aomlaitak hi a, agin ngaihmahmah apuakkham aom ciangin mikhempeuh ki patau, linglawngtek mahmah hi.
Hihbang tuahsiatna hangin CityOne Megalmall zong ki khakcipphot dinga, banghun ciangin ki hongkikding cihpen kitheician nailo hi. Shopping Mall thunei ahi Management te’nzong buaina apian ciangin amanlang in Emergency Announcement bawlpah uh a, vanzuak vanlei khempeuh amanlang in Shopping Mall apualam ah pusuaksakpah uhhi.
More: Malaysia, Kuantan aom innsung khatah Gas bung puakkham in mi 1 liam
Search and Rescue Operation tezong tuahsiatna aphual ah abuaisan mahmah laitak uh hi a, kumpi thunei te’nzong limtak in athu kankhiading uh cih kiza hi.
Comment piaknop aomleh...