A (8) veina Siamsin Medical Trip leh a (9) veina Siamsin Summit nasepna pulakna

A (8) veina Siamsin Medical Trip leh a (9) veina Siamsin Summit nasepna pulakna

14-16 April, 2018 :: Tauleng Village, Chin State

Zomi Siamsin Kipawlna, Universities – Myanmar in AD 2011 pan kipanin Siamsin Medical Trip kipai den hi. Zogam sung kizopna lampi haksakna, Khantohna ziakaina, Zato tawh kigamlatna munte ah kum khatin khua khat bulphuhin Siamsin Medical Trip kumsim kipai hi. Tua khua kimma om khuadangte zong kisam hi. 2011 kumin Tedim gam huam Buanli khua ah kipai hi. 2012 kumin Tonzang gam huam Suanghoih khua ah kipai hi.

2013 kumin Tonzang gamhuam Salzang khua ah kipai hi. 2014 kumin Tedim gamhuam Pimpih khua ah kipai hi. 2015 kumin Tedim gamhuam Langzang khua ah kipai hi. 2016 kumin Tedim gamhuam Guasing khua ah kipai hi. 2017 kumin Tonzang gamhuam Haiciin khua ah kipai hi.

Zomi Siamsin Kipawlna ,Universities – Myanmar in AD 2010 pan kipan Kawlgambup Siamsin makaipite thu kikupna Siamsin Summit kumsim kinei den hi. 2010 kumin Mandalay khuapi ah kinei hi. 2011 kumin Yangon khuapi ah kinei hi. 2012 kumin Kalaymyo ah kinei hi.

2013 kumin Hakha khuapi ah kinei hi. 2014 kumin Tedim gamhuam Pimpih khua ah kinei hi. 2015 kumin Tedim gamhuam Langzang khua ah kinei hi. 2016 kumin Tedim gamhuam Guasing khua ah kinei hi. 2017 kumin Tonzang gamhuam Haiciin khua ah kinei hi.

2018 kum April 14-16 sung Tonzang gamhuam Tauleng khua ah Siamsin Medical Trip leh a (9) veina Siamsin Summit kinei hi.

• Siavuan – 4
• Cina velna volunteer – 10
• Ha siavuan – 3
• Ha velna volunteer – 3
• Nurse – 4
• Thusinna pia sia – 5
• Thusinna volunteer – 6
• Naupang pattah – 6
• Survey – 36
• Volunteer – 14
• Register – 10
• Mandalay iPACE – 5
• Siamsin Summit – 20

Zomi Siamsin Kipawlna, Universities – Myanmar in AD 2011 pan AD 2018 dong Siamsin Medical Trip paina ah cina velna, uham thusinna, naupang pattahna, khuasung mite nuntak khuasakzia leh kisapnate dotna (Survey), nitaksim khuazangbup mipi tawh biakpiak khopna kinei-in a theihhuai cidamna, pilna, gamvai leh khantohna thute genna kinei hi.

• 2011 kumin Buanli khua ah cina mi (586), Ha (267) tang,
• 2012 kumin Suanghoih khua & Cikha khua ah cina mi (601), Ha (18) tang,
• 2013 kumin Salzang khua ah cina mi (690), Ha (85) tang,
• 2014 kumin Pimpih khua ah cina mi (377), Ha (68) tang,
• 2015 kumin Langzang khua ah cina mi (245), Ha (126) tang,
• 2016 kumin Gua Sing khua ah cina mi (255), Ha (61) tang,
• 2017 kumin Haiciin khua ah cina ah mi (569), Ha (106) tang,
• 2018 kumin Tauleng khua ah cina mi (459), Ha (136) tang
• Vekpi gawm – Cina mi (3782), Ha (867)

2011 – 2018 sung sangnaupang mi (900) bang kipantah hi.

Zomi Siamsin Kipawlna
Universities – Myanmar