Minthang USA ah Zovontawi khat in Master Degree nga beh

Minthang USA ah Zovontawi khat in Master Degree nga beh

Min thang USA ah Zovontawi khat in Master Degree lukhu neelkaai athuap ni’na hing nga belap

USA gam Texas State , Dallas khuapi sunga om Dallas Baptist University pan in Aug 7, 2015 ni-in Zovontawi khat ahi Pa Khai Min Thang (Samte) in kum3 sung pilna siamna ding adeih, ahanciamna, alungtupna leh kukal tah aa anasin a gualzawna tukpal lukhu neelkaai khat ahi Master of Business Administration (MBA) Degree hingsang/nga thei ahi manin, ei amipite in zong nahpitah ki lungdampi mama ci gen thamlo ei Zosuan tate thupha eipia aa gualzawna sang ei ngasah ih Mangpa tungah zong lungdam ih ko vuh ahi hi.

A ma pen leitung pilsinna lam ah,lai adeih mama khat zong ahi dungzui-in Pasian thu lam ah zong nidang hun India gam aten hun lai a kipan Mangpa lengga huan nasepnate ah, citah in nasem ngai ahi banah April, 2011 kum in Master of Arts in Christian Leadership ci Master Degree gualzawna lukhu neelkaai khat zong anga ngai ahi hi.

Tu laitah leitung kiva nading aa anasepna pen Ben E. Keith Company ah apanmun pen National Accounts Pricing Analyst hi-in tukum July 20th, 2015 ni-in nasep hoih mama khat kipan thei ahi hi. Tami nasep asep masang sawt simsim khat asepna in, UPS part time Supervisor khat ahi hi.

Ih mipite ading lunglai ah agel ciang’pilna sang lam asin belap nop lai leh athungetna in: JD (Doctor of Jurisprudence ahi, sitni (lawyer) lam aa Doctorate Degree khat ahi hi.

Dallas/ Fort Worth, TX khuapi ah zi leh tapa khat tawh tengin, Zo innkuan Fort Worth kipawlna ah nuasia kum2 pan tuni ciang dong General Secretary panmun ei sep piah in, ih mite zumvai leh akisapna khatpo ah zong ahu den aa ma apang den Zovontawi Master Degree thuap2 nga mimuan huai Zosuan tapa khat ih neih man vun zong ih angtanpi tuam mama vuh hi.

Mangpa ma in angimna leh atupna teng zosia ah lungtup tuibang hing tungsah ta hen len, khan kum sawt taang bang adam dingin ei koi pih ta heh! ci’n thungen in Mangpa kung lungdam ih ko vuh hi. Kham Khan Suan (Artist Kyaw Kyaw Oo)