Ui dan leh Mihing dan
Nung kum sawnlam khat in LA ah guah tamlua ahih manin LA guntui hong khang vava hi. Tua hun laitak in TV panin thuphamawh (breaking news) hong kikhahin ka en hi. Meiphelhte, palikte, helicopter te leh thukante mi 100 val ding bang a buai ngeingai uh ka mu hi. Amau buaina thu pen guntui khang in a taih uipi khat hotkhiat nading ahi hi.
Guah zu ngelhngelh pi mah in, Guntui khauh in a taih uipi honkhia dingin helicopter tung panin meiphelh pa khat khau tawh kiluai kawmin tua ui ngen tawh a khuh zaah nading a hanciam keei hi. Nailang val bang hong hanciam khit ciangin tua ui hong khuh kha petmah sam hi.
A ngen kaito in a ang ah a tawi leh launa tawh kidim tua ui in meiphelhpa hong tawng in hong pet mawk hi. Ui pen a gol nam ahi hi. Meiphelhpa in na sa lua ahih manin a tauu na aw TV sung na ngawn panin zong kiza hi.
A bopa in radio pan in “hong petna a nat luat leh khah khia ziau in, nang ma thu hi” ci’n hong hopih hi.
Meiphelh pa in zong “hihzah ta aa nailang val bang ih hanciam sa khat khahkhia kik ziau kei ning” ci kawmin tua ui tawh buai khop mahmah hi.
Uipi in a mai a pet khak loh nading in a khut petsak maita hi. A en mite a lung uh nuam hetlo uh hi. A tawp khak na ah meiphelhpa tua uipi leilak lam ah hong tjng zo uhi.
Hih bangin uipi hotna (rescue operation) ah dollar tulthen tampi tak bei hi. Kal khat khit ciangin meiphelhpa pahtawina kipia hi. Governor pa akipan thukan te tua pawi ah pai uh hi.
“Bang hangin hizahta aa gilo, hong pet uipi pen hon teitei na hiam?” ci’n thukan te khatin hong dong hi. Tua ciangin meiphelhpa in “ui cih pen mitawng ding, pet ding cih amaa dan hi. Kei sep ding pen acimawhte hunkhia ding cih ahi hi. Ui in ama sep ding asem hi a, mihing in mihing sep ding asem ahi lel hi.” cih san hi.
Tua hi a, a thupi phawk ding khatin, khat veivei ciangin mikhat peuh ih huh na hangin, tua ih huhte lungdam ding cih thadah hong ko nuam, lungkimlo in hong mudah hong shu nuam pawl khat om thei uh hi.
Video: In an amazing act of valor, the Los Angeles Fire Department air rescue unit rescued a dog from the raging waters of the Los Angeles river after days of torrential downpours that have caused the evacuations of several local communities.
Ahih hangin mikhat na huhna khawl tuan kei in, mihing in mihing zia bangin gamta ding hihang. Ganhing in ganhing nasep sem lel hen.
Leitung ah mihoih mipha ih cihte pen lungsim diktat na tawh mite aading bang dinmun ah ahi zong, bang thu a om phial zong ahih theih bangbang in thupha abawl nuamte ahi uh hi.
Nk Khanno (Zingsol)
Source: Ko Htwe akici facebook zang khat in Kawllai aa a at na panin hoihsa lua kahih manin Zolai tawh ka letkik ahi hi.
Comment piaknop aomleh...