London khuapi laizang ah zanni Wednesday nitaklam in pasal khatin temta tawh midawt a, numei khat dawtlum in adang zong mi 5 bang liam cih Fox News pan kiza hi. Hihpa gamtatna pen gitloh ngongtatna Terror Attack hiding hi ci’n Police te’n genkhia uhhi.
Metropolitan Police spokesman khat ii genna ah Russell Square ah mikhat hiamtawi in buaina om ci’n nitak 10:30pm pawlin Officers te hongkisam cihi. Tuapan in Officer te atun ciangin mi 6 aliamin na om a, tualak ah numeinu pen si cihi.
Hihpen migilo te ngongtatna hiding in ki ummawh a, hivai hanginzong mikhat Police te’n mankhin uhhi. Aliam adang te bangciciang tungta cihpen ki theician kiknailo hi.
Police Spokesman khat ii genkhiatna ah hih buaina munteng ah bangmah nawngkaina aomkikloh nading in mi kibehlap in ka etcik uh cihi. Europe gamsung muntuamtuam ah migilo te ngongtatna tuamtuam apian kawikawi ciangin Police te’nzong London khuasung a encik dingin thautawi Officer mi 600 bang behlapding ci’n taangko khia uh a, tuakhitlian in hihbang in London khuasung ah buaina hongpiangpah ahihi.
Hih buaina apiangna mun Russell Square pen 07 July 2005 hunlai in Bomb puakkham in mi 52 asihna muntawh kinai mahmah hi. ZD Sawltak #zomidaily
Comment piaknop aomleh...