Gam le Nam vai ah – sialdai leh meiphelh nasep
Sial tatnung a sialdai kaih leh meiphelh nasep pen Social Workerte’ nasep hi a… Sialtat ma a sialdai kaih leh mei a kanglo ding a kiginkholh leh dalkholh pen politiciante nasep ahi hi.
Politiciante’ makaihna nuai ah social workerte in na hoihtak a septheih ding kisam hi. Mipi in social worker nasep ciang a kizen peuh makai ding a i ngaihsut, i koih khak zelzel man in sialte khamval leh kangbang teng bekmah ki lemlawh ahi hi.
Singno i suan ciang bungbutun leng hinglo a, a tehno sello in agah zong kine khalo hi.
Nidang in Tedim ah khangnote in singno suan zel uh a, tua singnote zan khuamial bel in a susia, a na bungbu tun pahpah se, tua ding ngiat, Tedim susia ding ngiat a hualam khua pan hanciamtak a ong kuan ngiat om zen hi.. kici hi.
Singno i suan leh a nungzuih ding, eklei pia ding, tuibuak ding mi kisam hi. Sialdai i kaih leh dai a siatloh nading a a cing, a kem a vil ding kisam a, kangmei dal nasep pen khatvei sep tawh aman ziau hilo, nungzuih den akul nasep ahi hi.
Ma apan a thupi mahbang in a nungzui zong a kibang in thupi hi. Ma apan pa, singno suanpa bek in thupina leh minphat adeih leh amah bek mah in a nungzuih kul ding a, a baihlo leh mui bunlo nasep ahi hi. A vek a i pahtawi theih diamdiam ciang kikhaikim in kipangkhawm theipan a, tua in maban lianpi ong zosak pan ding ahi hi.
Ma tutna ding in, ma pan masa a thupi bangmah in a nungzuihte nasep siamna thupi hi. Pau Khat Suan
Nasep uk
Nasep namkhat bek a semtheite general worker in kizangthei a, tua nasep a siamte leadman in kizangthei hi.
Nasep nam tuamtuam a semtheite foreman/supervisor in kimang thei hi.
Engineerte in tua na kisemte thei bek hilo in, banghang a kisem hiam cih tel uh hi.
Tua a nasep a tel engineerte amau siamna tawh kizui a nasep ding a hawm dimdiam thei leh a makaih theite in Manager semthei uh hi.
Nasep namkhat ciang siam a tua a siamna, amah le amah siam kisa gawp in, a nasep a tel engineerte kheng a Manager semnuam ong kitulmawh a om ciang buaihuai mahmah hi.
Leadman level khat peuh manager ah i koih khak nawnloh ding thupi hi. Pau Khat Suan
Comment piaknop aomleh...