Pumpi leh sunglampilna
Nupi khat thu hong kuppih dingin hong pai hi. Ka pasal tawh ki thutuak thei ngiat kei ungh ci hi. Inn sungah zatding sum kicing zolo ahihman hi ci hi. A ta te hangin sum kisapna tampi om hi. Hih leitungah a kaamsia pen in a ki ngaihsun nupi a hihi.
Khantoh theih nading omlo ban ah khantoh nading theihna leh pilna a sin hun ding zong nei thei lo hi. Tua bangteng hong gen khitciangin na haksatna pan na suahtak na dingpen na sunglam ah om hi ka ci hi. Hih laibu sungah ka at thute mahbangin nai khat val sung ka kiho uh hi.
Kha 6 a cin khit ciangin tua nupi nu hongpai kik hi. A pasal tawh a kilem dan uh pen lamdang in a zatding sum a kicingin nei bek hilo in a tate zong kepkep kullo in lungdamna tawh a kidimna thu hong gen kik hi.
Tua nupi nu ii a sep thusim pen: a deih leh a piannop banglian in a lungsim mittawh teltak in a muh dingin bawl hi. Tua lim a sungtawng dong a tunciang in lim hi nawnlo in nakhat hongsuak ta hi. Tua lim a taktak hong suak nadingin sepna zong kisam hi.
A deihna teltak in a theih khit ciangin ka sem thei ding hi ci in upna tawh a sep man in nalianpi sem zo hi. Nupa ki thutuahna pen tehpih omlo hauhna nam khat a hihi. Hih bang a lamdang, akikhel ngeilo ngeina leh na sunglam vangliatna tawh na deih na ngah theihna ding i gegen ding hi.
Na piannop banglian, na deihna te a neitaktak bangin ki mu in. Na hihna bangin kimu kei inla na utbang in na khamit tawh teltak kimu in. Na sunglam vangliatna in a taktak in hongpiangsak ding hi. Ihmutna le Hauhna/ Siamsin Library
Chin khai says
Pumpi le sunglam pilna a gelh kua hi a damna a ngah kua te cih thei nuam tak sing eel