Malaysia, Sarawak State sungah Oil Tanker khat puakkham in meikuanggawp

Malaysia, Sarawak State sungah Oil Tanker khat puakkham in meikuanggawp

Malaysia, Sarawak State sungah sathau kipuakna Oil Tanker khat puakkham in, meikuanggawp cih NST pan kiza hi. Northern Sarawak, Jalan Kidurong aom Bintulu Medical Center geiah tuni zingsanglam 11:55am hunpawl in thupiang ahihi.

Hih datsit puakna Oil Tanker puakkhapna ahangpen kuamah in gencianthei nailo a, Oil Tanker bekthamlo, adangzong mawtaw 4 bang meikang in kuanggawp cihi.

State Fire and Rescue Department assistant operations director Tiong Ling Hii in agenkhiatna ah meiphelhding in aphual ah Fire Engine 2 leh Firefighter mi 10 bangin kidelhpah hi ci’n genkhia hi.

Video: Tanker explodes destroying vehicles, casualties unknown

Datsi puakna puakkham in meikuang himawk ahih manin, meikuang pen huaisialua mahmah in agamlapi pekpan inzong meikuang zaizai ki galmuhthei hi. Vandawn ah meikhu vomto nainai in, akiim apam tengzong kuangzaizai hi.

Hih meikatna sungah akihelkha mawtaw te sungah mihing aomkhadiam cihpen bangmah ki theician nailo cisawnsawn hi.

Related: Malaysia tuitung ah akilam khuaneu khat meikanggawp in mi 1500 te’n innneilo in cimawh

State thunei te’n athu ala akanciansan laitak cih kizaphot hi. Malaysia gamsung muntuamtuam ah tusungteng Factory meikang, Apartmetn Condo meikang, tuitungah akilam khuakhat meikang, Wangsa Maju sung aom Car Workshop meikang cihmah meikang vive akizom in kiza ngekngek hi. Sawltak #zomidaily