Rakhine, Mrauk-U Administrator semluikhat kidawtlum, mawtaw kihalsak

Rakhine, Mrauk-U Administrator semluikhat kidawtlum, mawtaw kihalsak

Myanmar, Rakhine State sung aom Mrauk-U Administrator asemluipa Tuesday ni in asisa in kimu cih DVB pan kiza hi. Tuapa minpen Bo Bo Min Thaik (Ex-administrator for Mrauk-U) hi a, Township Administrator panin nungdiak in aki khawlsak ahihi.

Ponnagyun Police Captain Ba Su in agenna ah Tuesday nitaklam in Bo Bo Min Thaik ii aluanghawm pen mawtaw gei ah temtawh aki dawtlumsa in akimu cihi. Tuaban ah a mawtaw zong meitawh kihalsak cihi.

Hih buaina apian laitak in Bo Bo Min Thaik pen kithuahpih aneihleh aneihloh cihzong kitheician nailo a, aluanghawm pen ponnagyun Hospital ah sitna neiding, Postmortem bawlding in kipuaksak hi.

Sittwe – Ponnagyun Hihgway lamzikpi tungah Mileposts 169 leh 170 kikal ah Bo Bo Min Thaik ii aluanghawm akimu hi a, temtawh 3 vei akidawt ahihi.

Bo Bo Min Thaik pen Mrauk-U khuasung ah Township Administrator asem ahihi. Ahi zongin Mrauk-U khuasung ah Police te’n lungphona anei Protesters te akhamcipgawp buaina apiankhitzawh ni 3 khit January 19 ni in Bo Bo Min Thaik pen Sittwe ah ki Transfer sak hi.

January 16 ni in Mrauk-U khuasung, Township Administrator’s Office ma ah mitultakpi takin Arakan Kingdom agual lelhni Anniversary vaitawh kisai in lungphona neigawp uh a, police te’n thautawh kapin mipi khenthang uhhi. Lungphona aneite sungpanin mi 7 kikaplum a, adangzong mi 12 bang liamgawp uhhi.

More: Rakhine buaina tawh kisai Vaihawm Committee te tungah Suu Kyi in thupia

Tua Mrauk-U khuasung sihna, buainavai akancian dingin Nine-member Committee khat kiphuan in, Rakhine Parliamentarians inzong Monday ni in kipsakkhin uhhi. Sawltak #zomidaily