Russia te vanlengkhat kia, asungah atuang mi 71 avekin si

Russia te vanlengkhat kia, asungah atuang mi 71 avekin si

Russia gamsung ah vanlengkhat kia in mi 71 si cih Reuters pan kiza hi. Tua vanleng pen “Russia’s Saratov Airlines” te neihsa hi a, tuni Sunday (Feb 11) ni in Russia gam ii Capital khuapi ahi Moscow City geinai ah akia ahihi.

Hih Russia vanleng sungah khualzin Passenger akigawm in 65 hi a, vanlengsung nasem Crew Member pen mi 6 hi in, akigawm in mi 71 atuangkhawm uh ahihi.

TASS Report akizakna ah hih vanleng pen Moscow’s Domodedovo Airport panin alengkhia hi a, alenkhiatzawh Minute 10 ciangin Radar panin kimu nawnlo, mangcip cihi.

Hih vanleng pen Russia gamsung kikawmna in akizang “Short-haul Regional Antonov AN-148” ahihi. Russia gamsungmah ahi Orenburg Region aom Orsk City zuanin alengkhia ahihi.

Russian state TV channel Rossiya-24 te’n hih vanleng akiatkhit aki tamzan, athem nengneng in akithehzak pen TV sungah suaksak uhhi. TASS te’n agenna ah hih vanlengpen vuuk lakah athemnengneng in kimu a, asungah atuang khempeuh asuakta kuamah kimulo hi ci’n genkhia uhhi.

Hih vanleng kiatna ahangpen tulaitak bangmah genkhiattheih omlo ci a, ahi zongin Russian Transport Ministry te’n khuahun Weather siatluat hangzong hithei, vanlenghawlpa ii khialhna Pilot Error zong hithei, aset siatna Technical Failure zong hithei ci uhhi.

Video: Flight 6W703: First video from Russian plane crash site

RT News te genna ah hih atuahsiat Russia te vanleng pen Saratov Airlines’ An-148 ci uhhi. Tua Saratov Airlines Jet akiatna munsan ah Rescue Teams tezong delhpah uh a, ahi zongin akiatna munsantak ah mawtaw tawh paitheilo uh ahih manin, khetawh paingiat in vadelh uh cihi.

Emergency Services te genkhiatna ah hih vanleng akizia pen asungah atuangte asuakta khatzong omloding hi ci’n genkhia uhhi. Investigative Committee te’nzong vanleng akiatna aphual ah Forensic Teams te paisak uh a, hoihtak in velcialna, Criminal Probe bawlna neiding uhhi. Russian Transportation Minister Maxim Sokolov ngiat inzong aphual ah delh cih Russian Media te’n genkhia uhhi.

Federal Air Transport Agency (Rosaviatsiya) te genna ah hih vanlengpen alenkhiatkhit asawtlo in Radio Contact ki ngahnawnlo in, Air Traffic Control te ii Radar Screen paninzong mancipziau cimawk hi. Tualaitak in Moscow Region, Ramenskoe District sungah alenlaitak hiding kici hi.

More: Mopawi bawlnading ah Helicopter tawh azuat laitak vanleng kia in monu si

Hih atuahsia vanleng pen abeisa kum 8 hunlai in akibawl hi a, Rossiya Airlines te’nzong gamdangtawh kikawmna International Routes te ahzong azatngei vanlengkhat ahihi. Tuakhit ciangin Saratov Airlines te kikawm in, amau azangtosuak ahihi. Sawltak #zomidaily