Solar Storm hangin Technology Blackout piangthei dinghi kici
Oct. 28, 2016: Zan in Ni (Sun) panin huihpi ‘solar storm’ a nun’na hangin i teen’na leitung lam manawh in na them neucikcik (particles) sa mahmahte hong leng ahih manin set lam tawh kisai siatna leh nasep theih lohna “technologyy blackout” kici piang thei ding hi. Bang hang hiam cih leh solar storm kici huihpi in electricity power lines leh satellite tunga kinga technologyte tampi tak siasak thei hi.Tua ahih manin hong tung ding hunte a sia pen kilamen ding leh kisa kholh dingin scientist ten thu pulak uh hi.
Daily Express in a genna ah Solar storms hangin na them neucikcik hong lengte pen siatna leh sih theihna a piangsak thei “radiation” kici khauh mahmah a, hih radiation ten leitung-a technologyte a siatsak banah leitung-a tuam huih leh meii/van awngthawl sunga huih (atmosphere) pua lam nakpi takin siasak ding ahih manin khua lumna zong nakpi takin kibehlap kha thei hi ci hi.
Radiation hangin thukizaksakna tuamtuamte adingin a kizang satellite communications ten atmosphere sungah lim (signals) hong piakna ding leh hong lutsak theihna ding nawngkaisak ding ahih manin GPS navigation, mobile phone, signal satellite TV tuamtuam Sky i cihte pawl kingah thei nawn lo kha thei hi.
Tua bek hilo in hih solar strorm panin radiation lengte ten leitung adingin magnetic field kicihna mun ”magnetosphere” a kicihna khauh takin (higher currents) a den’ khak leh leitung-a electricity power lines-te nawngkaisak ding a, electrical transformers leh power stations kicite puak khamsak thei ding ahih manin mei kingawl thei lai ding hi. Hih bangin solar storm hangin August 3,2010 in electrical transformer leh power station mun pawl khat ah puak kham ngei a, mun tampi in mei ngah loin sawtpi na om ngei uh hi.
US Space Weather Prediction Center in solar storm hangin radiation hong lengte a thahat leh Voltage corrections leh false alarms kicite zat kisam kha thei a, leitung kimkot a satellitte kilengsakte siasak thei ding hi ci hi. Hih Ni pan a hong nung huihpi (solar storm) kicite pen ni dangin G3 level storm ciang tan-a hatte kihtakhuai kici a, tu-in bel G2 level storm ciang kihtakhuai hi kici ta hi.
UK Met Office ten hih solar storm pen a hatna G1-G2 kiim hi ding hi ci uh hi. Solar storm in ”magnetosphere” ciang a nawk khak leh leilu lam phel khat leh leitaw lam diak phel khat (Northern hemisphere and lower parts of the southern hemisphere) ah mei dum (blue lights) kilang zo ding hi. -Your News Wire/ Thang Khan Lian
Comment piaknop aomleh...