Malaysia, Kuala Lumpur sung aom Mid Valley Megamall kici Shopping Complex sungah meikang cih NST pan kiza hi. Tuni Tuesday nitaklam 8:30pm hunpawl in Shop Lot khatpan in meikang akipan cihi.
Meikat kipatna pen Shopping Mall inndawl 3 na aom inndeisung khatpan hiding in ki ummawh cihi. Tua inndei sungah akizang Fax Machine khatpan in meikang akipan kici a, Shopping Mall sungteng meikhu tawh kizelman hi.
Ahi zongin meikuang pen asawtlo in ki phelhkik theipah a, asi aliam kuamah omlo cih kiza hi.
Kuala Lumpur Fire and Rescue Department director, Khirudin Drahman in agenkhiatna ah tuni nitaklam 8:24pm hunpawl in patau kangmei om ci’n Distress Call hongkisam ci a, Firefighters te aphual ah 8:38pm hunin tungpah uh cihi.
Shopping Mall sungah akithuah Fire Alarm te agin ngeingai ciangin khuasungmi te’n Fire Station ah azasakpah uh kici hi.
Video etnopleh: Woman collapses, fire breaks out at KL mall
Fire and Rescue Department te’n meikatna akankhiat uhciangin inndawl 3 na aom inndei khatpan ahihlam mukhia ahih manin, amanlang in phelhtheipah uhhi ci’n thunei te’n genkhia uhhi.
Tua meikat laitak in numei khat Corridor ah atuksa in kimu a, ageinai aom te’n agenna ah meikang cih Fire Alarm agingawp ciangin alau in ataikhiatna panin atuk hiding ci uhhi.
Related: Kuala Lumpur khuasung ah mawtaw nih kiphukha, University sangnaupang khat si ~ ZD
Tua numeinu pen Universiti Malaya Medical Centre ah kipuak in, zatui kibawl cih kiza hi. ZD Sawltak #zomidaily
Comment piaknop aomleh...