Malaysia, KLIA sungah Immigration Department ah nasem mi 600 ki hemkhiasak

Malaysia, KLIA sungah Immigration Department ah nasem mi 600 ki hemkhiasak

Malaysia te ii vanleng tualpi ahi Kuala Lumpur Inter­national Airport (KLIA) sungah nasem mi 600 te amundang ah ki hemkhiasak, tuahkhiasak “transfer” cih theStar pan kiza hi. Tua aki Transfer khiasak mi 600 tepen Immigration Department sungah nasem vive ahi uhhi.

Tua nasemte aki Transfer khiasak Immigration Staff 600 te sungah pawlkhatpen Malaysia gamsung ah thumanlo tawh mi aguklutsak Smuggling Case, Human Trafficking tetawh kizopna omding kici hi.

Hihvai tawh kisai in Deputy Prime Minister Datuk Seri Dr Ahmad Zahid Hamidi in agenna ah Immigration Officer pawlkhat te’n alawmte uh zangsawn in, Bangladesh gampan in Malaysia gamsung ah mi honglutsak uhhi ci’n genkhia hi.

Ahi zongin tuabang in puaisa asem Syndicate tetawh akizompen Immigration Officer bangzah taktak cihpen akician in ki pulakkhialo hi. Aki Transfer sak khempeuh pen thumanlo ahih manin, aki Transfer sak hikhin samlo a, pawlkhat te pen ahuncingta in kumpi thukhun “civil service rotation policy” tawh aki Transfer sak pawlkhatzong kihel uh cihi.

Hihbang in thukham “law” palsatin Syndicate tetawh kipawlkhawm in nasem Officer tepen ki mawkkoih loding a, thukhun ombangin thu kibawlding hi.

Thumantak in nasem ciatciat adang Immigration Officer tampitak om cihzong mangngilh lohding kisam hi ci’n genkhia hi.

Tulaitak pen Immigration Officer sungah thumanlo in nasem te, Puaisa tawh akipawl te aki kankhiat laitak ahihi. Thumanlo nasemte tawh akipawl, makaipi akigawm in mi 7 kimankhin a, tualak ah KLIA sungah nasem Immigration Officer zong mi 2 kihel uhhi. Gamdangmi 2 zong kihel uhhi.

Video: 600 KLIA staff transferred, some suspected of trafficking

Malaysia Police Department teleh Malaysian Anti-Corruption Commission tetawh kipawlkhawm in akisemkhawm, thukanna akinei ahihi. Hihbangin gamsung bitna anawngkaisak, National Security asusia, thukham palsatte pen ki mawkkoih hetloding hi ci’n Deputy Prime Minister in nakgen mahmah hi.

Hihbangin thukhun zuilo, thumanlo, illegal in Bangladesh gammikhat Malaysia gamsung ah aluttheih nading in RM15,000 panin RM20,000 bang puaisa te’n ngen cihi. Kumkhat in tua puaisa Syndicate te’n Rm5.2 Million bang sumlut ngah uh a, summet bawlna nasia mahmah hi.

More: Gamdangmi nasem te hongki ap un, na liausumding uh tawmzawding hi

Myanmar gampan puaisa tetawh honglut tethubel bangmah genkhiatna kizakha nailo a, ahi zongin tulaitak KLIA ah nasem Immigration Staff mi 600 bang ki hemkhiasak, Transfer sak himawk ahih manin, thumanlo tawh lutsim asawmte kidop huai mahmah khading hi. Sawltak #zomidaily