Penang ah Motorcycle 42 leh Motor 4 meikangtum
Malaysia, Penang aom Wisma Telaga Air ah akikoih Motorcycle 42 leh Motor 4 meikangtum cih NST pan kiza hi. Tuni Saturday zingsangtunglam in meikang akipan hi a, Open Parking ah akikoihteng mei akanggawp ahihi.
Hih Motorcycle leh Motor meikat akipat ciangin kilawhphei ziahziah in, ageinai aom vanzuakna Store khatzong lawhphei hi. Meikuang akipat hunpen 2:50am hunpawl kici hi.
Penang State Fire and Rescue Department spokesman khatin agenna ah patau meikang aom ciangin amaukiangah huhngetna Distress Call 2:52am hunpawl in hongki zasak hi ci’n genkhia hi.
Video: Up to 42 motorcycles and four cars were destroyed in a massive fire at an open parking lot in Wisma Telaga Air here, early this morning
Tawlkhatkhit ciangin meikuang pen kiphelhzo a, ahi zongin Motor leh Motorcycle khempeuh avekin 100% bang siacipkhin cihi.
More: Penang aom Apartment khatah akikoih Motorcycle 18 leh Motor 1 meikanggawp
Hih meikuang akipatna pen thunei te’n akansan laitak hi a, tuciangciang akihal hidingin ki ummawhlo ciphot hi. Tuaban ah hih meikatna hangin supna bangzah om cih akituatsan laitak kici hi. Sawltak #zomidaily
Comment piaknop aomleh...