Myanmar, Rakhine State sung buaina hangin misi 400 phata

Myanmar, Rakhine State sung buaina hangin misi 400 phata

Myanmar, Rakhine State sungteng ah Kawlgam galkap te’n siansuahna bawl ahih manin mi 400 dektak bangin sihlawhkhin uhhi ci’n Reuters te’n genkhia uhhi.

Tua asi tengpen kalkhatsung Rakhine State sungah buaina hangin asi ahhi. Abeisa kum tampi tetawh tehkakna in hihpen hun tomno sungin Rohingya tetawh kisai in mi alomsihvat atam mahmah in akiciamteh ahihi.

Rohingya Insurgents kici thautawi migilo te’n Rakhine State sung aom Police Posts leh Army Base te nasimsak masa uh ahih manin, Kawlgam kumpi lampan inzong thukkikpah uhhi. United Nations te genkhiatna ah hih Rakhine State sung buaina hangin cimawh dongtuak in Bangladesh gamsung azuan Rohingya mi 38,000 bang phakhinding ci uhhi.

August 31 ni ciangciang Myanmar panin gamgi kantan in Bangladesh gamsung ah alutphei Rohingya mi 38,000 bang phading in ki ummawh hi ci’n Officials in genkhia uhhi.

Myanmar Army te genkhiatna ah Rakhine State sungah migilo, a ngongtat “extremist terrorists” honkhat om ahih manin, gamsung aki siansuah hi, Clearance Operations akibawl hi ci’n genkhia uhhi. Banghanghiam cihleh Rakhine State sung aom Myanmar gammi te, Civilians te ii bitna aomnading in Security ngaihsutna tawh gamsung aki siansuah hi ci’n genkhia uhhi.

Hih Rakhine State sung buaina hangin asi tevai Myanmar Military te’n Thursday ni in agenkhiatna ah Rohingya Insurgents mi 370 ki thatlumkhin cihi. Tuaban ah Security Forces mi 13, Government Official mi 2, leh khuasungmi Civilian mi 14 in sihlawhkhin cihi.

2012 kumsung inzong Rakhine State ii khuapi Capital ahi Sittwe ah Rohingya vai mahtawh buaina pianggawp ngei a, mi 200 bangin sihlawh uhhi. Galtai Displacement zong mi 140,000 bang pha a, tualak ah atamzaw pen Rohingya te kici hi.

Related: Myanmar, Rakhine State sungah Dengue Fever angah mi 1400 pha, mi 16 sikhin

Rohingya te galtai in Bangladesh gamsung alutsawmna panin tuikia in asi zong mi 40 bang phakhinta cih kiza hi. Rakhine State sung buaina vaipen thengpaklo khading hi. Sawltak #zomidaily