Hauhna leh Khansauna
Lim takin ngaihsun in geelna in hauhna lampi hi a, nawhsa-in lopthop hihna in zawn’na lampi ahi hi.
Zuau genna tawh hauhna in beimang pak a, sihna khuk sung hong tun’pih hi.
Phun bek a thei zi tawh inn sungah teen’ khop sangin, innkhumzang kiu khat-a tang teen’ hoihzaw tham hi.
Migilote in thusia bekbek deih uh a, a lawmte nangawn zah tuan lo uh hi.
Mizawngte’ huh ngetna a pia nuam lote pen, amau zong cimawhin huhna a nget ciangun kipia lo ding hi.
A simtham-a letsong piakna in hehna dam sak a, puan nuai-a tawi in sinsona dai sak hi.
A kilawm gamtatna panin a pialkhiate, misi honte’ lakah tung hi.
A noptat nuamte zawng a, zu ne a, sathau namtui nilhte hau lo hi.
Mipilpa’ inn sungah neih leh lam a dim a ha-in om a, ahi zongin mihaipa in a ngah zahzah zangkhia pah hi.
Thuman thutakin gamta tawntung lecin, na khan’ sau-in, pahtawina na ngah ding hi.
Mipil khat in mi thahatte’ hut khuapi la zo a, amau’ muanmuan kulhpi nangawn susia zo hi.
Kampau a ki-ip zote, lungkhamna tawh kipelh hi.
Mi kihisak i cihte pen, kiliansakin a kiphasak mite ahi hi.
Migilote in mi’ muan theih nadingin khauh pau uh a, midikte ahih leh lungmuangin kampau hiathiat uh hi.
Pilna, theihna, thugennate in, Topa’ mai-ah bangmah man lo hi.
Galdo nadingin sakolte a baihsa-in kikoih a, ahi zongin galzawhna pen Topa’ hang hizaw hi. Source: Paunak 21/ Siamsin Library
Comment piaknop aomleh...