iPad vs Laisiangtho ~ Sia Do Khup

iPad vs Laisiangtho ~ Sia Do Khup

Sia Do Khup: Pasian in vantung pan hong khiatsuk pen a kammal bek hi-in a laibu hilo hi. Bible laibu hong hawmkhia Bible Societyte mahin Bible app hong bawl hi in ong pusuahna mun a kibang hi. App a sian kei leh laibu zong siang tuanlo ding anak kibang pan a hong piang hi. Ka kammal mangthang lo, khel lo ding cih bek omin Ka laidal mangthang lo ding cih LST ah om kei. Ei suahtak dandan hi ei lawmte, lungdam ei, hihbang a i kikup ciatciat pen i biakna a thupi sim ihih manin hoih mahmah hi.

“Mi pawlkhat in na khempeuh ka nektheih ding hi, ci-in ngaihsun uh hi; ahi zongin upna neute in anteh bek ne ngam uh hi.” ‭‭ROM‬ ‭14:2‬ ‭TDB‬‬

Kimawhsak theih omlo i up ngamna zahzah hi. Kei tukhang hun a ka piankhak pen Pasian hehpihna a phat hing. Moses hun hileh LST pen suangpeek a ka puak kul ding, Sawltak Paulte hun hileh Savun tawh ka puak kul ding, Khualzinna zong Moses hun hileh ka khe pai det kul ding, Paulte hun hileh Gunkuang ka tuan kul ding, kei hun leh vanleng hong kituah pen Topa hehpihna phat ing.

Moses hun hileh khantawn a US kitung zolo ding, Paul hun hileh a kum a pai kul ding, kei hun ah nai 30 sung a US dong ka tun theih Topa hehpihna phat ngiat ing. Ipad pan Topa kammal ka sim manin ka lungsim kisuanna om ngiat kei, kisuanna a nei kha i om leh bel zat hetloh ding hi. A tung LST mun in thu tampi gen hi. Lungdam kikumkum lai ni ei. Khantohna om ding hi ei.

Lai siangtho thak khempeuh laibu sung a tun mapek a a vanglian khin hi ei. Biakinn sung na lut ciang Pasian in na Lai Siangtho bu bek na en loin, na lungsim sunga om teng na phone sunga om teng zong en veve hi.

Topa in mihingte’ muh bangin mu lo hi. Mihingte in a pualam a kilangte en a, ahih hangin Topa in a lungsim en hi,” a ci hi.” 1 SAMUEL MASA 16:7 TDB “Amaute’ sungah ka thukham ka koih ding a, amaute’ lungtang tungah ka gelh ding hi. Kei pen amaute’ Pasian ka hi ding a, amaute pen keima mite ahi ding uh hi.” JEREMIAH 31:33 TDB