Myanmar, Rakhine State sungah Landmine 3 puakkham, asi omlo
Myanmar, Rakhine State sung aom Minbya leh Mrauk U khuanih kizopna Highway lamzikpi tungah Landmine 3 puakkham cih Irrawaddy pan kiza hi. Highway 96 Mile Marker geinai ah Tuesday nitaklam 7:45pm hunpawl in apuakkham cihi.
Landmines apuakkhapna munpen Sat Kyar leh Tan Seik khuanih kikal hi in, Minbya khuapan in tai 8 ki gamla cihi. Minbya Myoma Police Station panin Police Lt Nyi Nyi in agenkhiatna ah hih Landmine apuakkhap laitak in mawtaw nih lamzikpi tungah akituah laitak cihi.
Truck mawtawpi khat Sittwe lam zuanin apai hi a, alanglam ah Yangon zuanding in apai Kissapanadi Bus Line khattawh akituah laitak, lamzikpi tungah khatlekhat akipelh laitak in apuakkham cihi. Sittwe zuanin apai Truck mawtawpi sungah huhna piakding Relief itmes honkhat kipua cihi.
Police Offcial te’n agenna ah tua Relief Truck pen ngimbawl in Landmine apuakkham hilo hi. Tua Truck pen Yangon panin hongpai hi a, Bus pen Yangon zuanin apai ahihi. Hih mawtaw nihte akituah laitak in agei singkungnuai panin Landmine apuakkham hi ci’n thunei te’n genkhia uhhi.
Hih Landmine puahkhapna hangin asi leh aliam kuamah omlo a, ahi zongin apuakkham themnen te’n mawtaw nihte ii amai Windshield te thehkha cihi. Police te’n hih buaina pen “Explosive Substances Act” tawh Case bawl uh a, banghang in puakkham, apuakkham Landmine pen bangnamhiam cihte kancianding uh cihi.
Myanmar Army chief Snr-Gen Min Aung Hlaing zong tuni Tuesday ni sunlampawl in Rakhine State ii khuapi ahi Sittwe ah hawh cih kiza hi. Rakhine State sungah August khasung Militant Attack buaina apiankhitzawh ahawhcilna kici hi.
Related: Tatmadaw te’n Karen State sungah aphum uh Landmines teng hemkhiading
Commander-in-chief’s office te genkhiatna ah Min Aung Hlaing khualzinna ah Home affairs minister Lt-Gen Kyaw Swe, border affairs minister Lt-Gen Ye Aung, air force chief Gen Khin Aung Myint cihte leh adangdang senior military officers honkhat inzong zui uh cih kiza hi. Sawltak #zomidaily
Comment piaknop aomleh...