Tuangtung (Inn tungta) ~ Lengtong Pauno

Tuangtung (Inn tungta)… kei’ teldan hi ~ Lengtong Pauno

Kei neulai ciangciang ah ki tammuh mahmah lai hi. Innhuang lutna sialkongpan innliimdong suang phahpeek kiphah a, innsunglutpheina aziatlam inntual ahih leh, aveilampangah innkaa (pahtaang) kidawh hi.

Innka tungpan (letmat 6. bang) asangsawn a, innkapeek dalnih apheilama kikhunga akidawh pen, tuangdung (TUANG) kici hi.

Tua hunlai in tutnading tokhom, sabuai (dawhkaan) cihte kinei nailo ahihmanin, lokuan khualzin vaitung peuhmah, innkaa (tuang) tungah kitu masa hi.

Innteekpu gamvak vai hongtunga, innka tuang ah, tu in agei ah vaitun’ beltung kikoihsak kiteepsak hi. Mo’nu lokuan ansingpua vaitung zong, inntual sumtawng gei ah, a an uum tuithawl tu le hei (aseengnung vante) kilakkhiat sakin, apuak ansingte apaihkhitciangin innkaa tuang tungmah ah hongtu hi.

Innteekpi in, sunkhat tawntung zuha zutaak’tui tawh akhim avak akep atute zong, anu uh atutna innka tuangmah ah anu’nawitui teepsak dingin, api in hong pusuah pih hi.

(Anu’ nawizu khum leh anu’ khua ul al ane adawn naupangte cidam mahmah uhi. Nitak sial ဓာတ္ဆား၊ခ်ဳိငံ adawnden uh ahi hi). 🙂

Innsungah tutphah, tokhom gina akineihma a, inn itun’ cianga innkaa tuangdung tunga akitut masakphot pen, ipu ipa te in, inntungta cihpen la a asuutciangvua “TUANGTUNG” a naci uh nahi gige hi.

Ka lungdam, Munkhai’pa

Numei

• Numei pen pasal’ ki etna liimlangh hi. (Ruth Bill)
• Numeite’ nasep hoihpenin, kiniamkhiatna hi. (Diana)
• Numei hoihin Sia zakhat tawh kikim hi. (Zawr Herbert)
• Ngaihsutna hoih apia theilo numei lauhuai hi. (Mother Teresa)
• Pasalte’ ngaihtheih amanphapenin numei lungtang hi. (Geo Holland)
• Numeipen pasal sangin hatlozaw ahihmanin dawmin. (Victoria)
• Zipil anei pasal lawhcing hamtang hi. (Napoleon)
• Numei cihpen panpih, huh cihna hi. (Hebrew)