Nungsungteng Social Media tungah aminthang mahmah Malaysia gamsung Puchong Game saisung kiluhvai Update omleuleu hi. Game Outlet sungah damiah taihin numei abuan “rob-and-rape” mi 2 hi uh a, khatpa pen nung Sunday nitaklam in Kuala Selangor sungah ki mankhiapah hi.
Akhatzawpa pen tuni Thursday ni in Taman Setapak Jaya sungah ki mankhia taktakta hi. (ZD Facebook Group sungah Paul Pau Pi leh Zo Paakhai te’n May 16 nipek in kimankhin ci uh a, amau theihpen atuam hikhading hi)
Tuni amatkhiat uh guta damiah mibuan anihnapa pen Taman Setapak Jaya aom Apartment sungah Police te’n matding in adelh uhciang in taikhia in, inndawl 12 na pan kiasuk in tuatawh sihlawh hi.
Tua miginalopa aomna palik te kiangah aki zaksak ciangin palik honkhat Thursday nitak 10:10pm hunpawl in kuankhiapah uhhi ci’n Serdang OCPD Asst Comm Megat Mohamad Aminuddin Megat Alias in genkhia hi.
Police te’n tuapa omna innmai kongkhak tamveipi kiukiu uh a, ahih zongin kongkhak ki honnuamlo hi. Tuaciang in palik te’n kongkhak kalhna Padlock attan in innsung ah lutsuk uhhi.
Video etnopleh: Second rob-and-rape suspect dies trying to evade cops
Innsung alutsuk uhciangin lengnakhan Living Room ah numei khatleh pasal khat mu uhhi. Anhuanbuk lamsang ah van akia agingkhat za uh ahih manin, adelhphei uhciangin mibuanpa pen anhuanbuk panin apualam ah na kahto hi.
Police te’n innsung ah alutkik nadingin zolzol uh himahleh utvetlo hi. Tuaciangin thakhatthu in inndawl 12 napan anuai ah kiasuk hi.
Leilak atuksuk ciangin sipahlo ahih manin, Police te’n amanlangin Ambulance sapsak uhhi. Ambulance pen Minute 30 khitciangin tungpah a, tuapanin Kuala Lumpur Hospital kipuaksuak hi. Ahi zongin zato panin asawtlo in sipah hi.
Hih mibuanpa pen abeisa inzong vankham “Drug” vaitawh kisai in 2 veibang buaina apiangsak ngeikhinkhat kici hi.
Related: Puchong Game sai ah buan “Rape” athuak numeinu’n Police Report bawlta
Puchong Game Outlet sungah buan athuak numeinu pen Indonesian gammi khat nahi a, amahngiat inzong Tuesday nitaklam in District Police Headquarters ah Police Report bawlkhinta hi. ZD Sawltak #zomidaily
Comment piaknop aomleh...