Canada, Mississauga City sung aom ansai khatah Bomb puakkham in mi 15 liam

Canada, Mississauga City sung aom ansai khatah Bomb puakkham in mi 15 liam

Canada gamsung aom ansai “Restaurant” khatah pasal 2 in Bomb sukham uh ahih manin, mi 15 liam cih Reuters pan kiza hi. Thursday ni in Mississauga City sung aom Restaurant khatah thupiang hi a, Bomb asukkhap khit uh ciangin tua mi 2 tepen aphual panin taikhia vingveng uhhi ci’n Canadian Local Police te’nzong genkhia uhhi.

Bomb apuakkhapna Restaurant pen Bombay Bhel akici Indian Cuisine, kala an akizuakna ansai khat ahihi. Thursday zanlam 10:30pm hunpawl in Bombay Bhel ansai sungah Bomb aki sukham hi a, mi 15 liamsak ahih manin, Hospital ah kipuakpah uhhi.

Tua aliamte lakah mi 3 pen nakliam phadiak in, Critical Condition tawh kikem uh cih Peel Regional Paramedic Service te’n genkhia uhhi.

Pasal 2 in apuakkhamthei “Explosive Device” te asukkhapkhit uhciangin Restaurant sungpanin taikhia vingveng uh a, ami kitheician manlo hi. Tuciangciang hih Bomb kisukham pen ko ii mawhpuak hi ci’n Responsibility apulak kuamah omnailo a, banghangin hihbangin Indian Restaurant sungah Bomb kisukham sesehiam cihzong kitheician nail hi.

Peel Police te genkhiatna ah tua Bomb asukham pasal 2 tepen kum 20 gualpawl hidingin ummawh uh cihi. Tua Bomb puakkhapna hangin Mississauga City sung lamzikpi pawlkhat ki khakcippah in, Emergency Response Team te leh thautawi Armed Tactical Officers honkhatzong aphual ah delhpah ngeingai uhhi.

Nungdiak abeisa khakhat hunlai inzong Canada gamsung aom Toronto City sungah Ryder Rental Van khattawh pasal khatin mipi nawksakgawp in, mi 10 in sihlawh uh a, adangzong mi 15 bangin liamlawh uhhi.

More: Canada ah pasal khatin temta tawh amuhpeuh dawtgawp in mi 5 liam

Mississauga City pen Canada gamsung ah khuapi alianpen 6 na (Canada’s sixth-largest city) hi a, mimal Population zong 700,000 bang apha ahihi. Canada ii khuapi ahi Toronto City panin nitumna lamsang aom Lake Ontario aom khuapikhat hi a, Toronto panin tai 20 Miles (32 km) bek kigamla hi. Bombay Bhel kici Indian Restaurant pen Mississauga City sung aom Restaurant Chain minthangkhat ahihi. Sawltak #zomidaily