USA, Maryland pan Pa Thang Do Mang (Lailui, Kipgen, kum 38) in hongnusia

Dahpihna Lai Pa Thang Do Mang (Condolence Letter) – Mangpha Pa Thang Do Mang @ Mang Tawng, Kipgen Beh,Kum 38

Lai Lui Khuami Laurel, Maryland USA ateng Pa Thang Do Mang in April 08,2020 in Kal Natna tawh ongnusia cihthu izaakmanin ZIUSA kipawlna mintawh dahpihna ipulak hi.Pa Mang Tawng pen Pasian lam hon sak na tawh 2014 USA a tung ahihi.

Pa Mang Tawng pen Zomi te kipawl khopna Zomi Innkuan Washington DC Area ah member khat leh USA gamsung Zomi akuamapeuh luang kipham nading a akivaihawm ZIUSA Genvai ah onglut thukhun pom ni 01/31/2015 akipan tunidong thukhun pom active member khat ahih manin bylaw thukhun zuiin (100%) Death Benefit $15,000 kipiakhia dinga paakkual $150 man khattawh zong mangpha khakna kinei ding hi.

Pa Mang Tawng tawh anunungpen hunzatkhop ding ong tungding Tuesday April 14, 2020 1:00pm in Meadowridge Memorial Park, 7250 Washington Blvd, Elkridge,MD 21075 ah Maryland Baptist Church (MBC) makaih na tawh hehnep hunbawlkhop na nei khit ciang han ah kivui ding hi.

Pa Mang Tawng ong nusiatna hanga adahakap lung leng khawngai azi atate leh sangam tanau meltheih akuamakhempeuh hehnemsiampa kha siangtho in ong hehnem ciatta hen la I biak Pasian in a makiangpana ongpai khasiangtho in lungnop tawldamna ong guat kimciat nading ZIUSA kipawlna in thu kingetpih hi. Dahpihna Lianpitawh, Mun Mang (Zomi Innkuan USA, Inc.)

ZIDCA pan Dahpihna leh Sihkohna: Pa Thang Do Mang (Mangtawng; Kum 38 ) (Kipgen beh)

Washington DC Area, Maryland State, Laurel Khua ah ateeng Pa Thang Do Mang (Mangtawng; Kum 38 ) in April 08, 2020, nitak nai 10:00pm in Kalnatna tawh hong nusia ahih manin Zomi Innkuan DC Area (ZIDCA) pan nakpi takin kidahpih mahmah hi. Pa Mangtawng pen Maryland Baptist Church (MBC) ii Pawlpi member khat bek thamlo in ZIDCA ii member khat leh ZIUSA Genvai ah zong full member khat ahi hi.

Pa Mangtawng hong nutsiat ciang a it mahmah azi Nu Dal Khan Zo leh Ta 3 te cianlai uh hi. Pa Mangtawng pen Kipgen beh hi aa, akhua lui pen Lai Lui Khua hi. Aluang hawm vai tawh kisai pen innkuan thu nei lam pan ahun zui in hong kiza sak to to ding hi. Topan adah akap khempeuh hong hehnem ciat ta hen. Information Department, Zomi Innkuan DC Area (ZIDCA)